Tender ngah duh ruangah Mara ram MP Ni Sui Lian caah mee a kawlpu puaisa Mang Dun nih Salai Lungthli Tum cu lihbia in a thangchiatnak caah Salai Lungthli Tum nih ralrin peknak a tuah. A herh ahcun, taza ka cuai lai i thonginn ah ka khumh lai a ti.

Hi kongah Salai Lungthli Tum nih a chimmi cu,“Tender ngah duh ah Mara ram chung MP Nisuilian caah mee a kawltu puaisa Mangdun kha a hmumi nih ka chimh piak te uh, lihbia in keimah aka thangchiat rih ahcun Thantlang ah taza ka cuai lai—thonginn ah ka khumh cang lai. Biadik tu rak aupi cang seh. Culo cun tender a bawh manh ti sual lai lo,”tiah amah pumpak facebook ah ataar.

Thawngpang dang rak rel chih: Dr Ngun Cung Lian nih a chim bantuk in Mara hrambunh Party, ENDP an ti maw? anmah chungin MP pakhat tal, Union Conference ah an itel khawh ve nakhnga an tling ve a herh tiah ka hmuh. Zeicatiah, Union Accord part 3 minthut a si cang caah, Union Accord nih aa timhmi cu State phunghrampi a ummi federal system, ning in phunghrampi remh/ttial kha 2020 election dih ah Union conference ah aa telmi dihlak nih an ceih dingmi/ an ttuan dingmi a si caah Mara Party in an itel khawh ve ahcun thil ttha ngai a si hnga ka ti.

CNLD cu an itel ding aa fiang ko ka ti. 2015 lio bantuk an si ti lai lo. Seats zeimawzat cu an tei ve hrim ko lai. Kawlram politics taktak cu Union Conference ahhin tampi aa hngak ding in a um caah, Chin hrambunh parties vialte hi itel viar kho lawlaw hna sehlaw, a ttha hnga ka ti. Kanmah Local politics von telh ning law! 2015 lio bantuk in Thantlang Peng hi NLD 50/CNLD 50 tiah vote pek dawh an si.

Pyine 1 ah Pi Chin2 Pekthang (CNLD)
Pyine 2 ah Pi Ni Sui Lian (NLD)
Pyithu Hluttaw ah Pu Van Bawi Lian (CNLD)
Amyotha Hluttaw ah Pu Henry Van Thio (NLD)

2020 elections ah ichingchiah awk in a ummi politics pakhat cu, minung tampi aw-an in ka theih ngaimi cu, NLD Party hi a ttha nain an candidates hi an si kho lo timi hi a si. Cucaah, 2020 election ah NLD nih seats zeimaw zat an sungh sual ahcun Party ṭhatlo ruang siloin, Candidate ah mipi duhmi an chuahpi hna lo caah a si lai tinak a si hnga.Caṭialtu: Zasang Cinzah