Manny Pacquiao Le Keith Thurman cu Las Vegas MGM Grand Garden Arena ah WBA Welterweight Champions tawisawm an i cuh i round 12 tiang bak an i thong. An pahnih tein an ttang taktak. Zeitluk hmanh in an pahnih in thiam ve ve ko hna hmanhsehlaw an pahnih in an awn khawh veve lo caah pakhat cu a sungh hrimhrim ahau.

Hi hna pahnih atu lio vawleipi a zohmi hna zeitik ah dah an ton te lai i, an i thongh te lai tiah zohmi le hngahhlang ciomi asi. Asinain, round 1 nakah Manny Pacquiao nih voikhat teng lakin a thongh. Round 12 tiang an i thong.

An pahnih in round 12 an i thongh i a sungh an khang duh veve lo. Nawlngeitu hna nih an Point zoh tthan in Manny cu teinak an pek. Philippines boxer minthang vawleipi nih a theihmi Manny Pacquiao nih voi 72 a thong cang i cu chungah cun minung 63 a tei cang hna i minung 7 te lawng a tei hna lo. Pa 7 chungah minung 2 he an i draw/tluk ti asi.

Thurman hi voi 33 a thong cang i 29 a tei hna. Pa 1 a tei lo i, pa 2 an i draw/tluk ve. Referee Glenn Feldman nih cun Thurman hi mark 114-113 in teinak a pek i, Referee Dave Moretti Le Tim Cheatham han nih Manny hi mark 115-112 teinak an pek i atubantuk in Manny Pacquiao nih teinak a hmuhnak hi asi.

https://www.youtube.com/watch?v=3pDUcUxATeg&feature=youtu.be