Mandalay ah inn 21 a kangh dih

Myanmar News

Kan rampi a buai hnuah Mandalay khuapi cu innkangh a tam biknak hmun ah a cang. Kan hnulei zongah innkangmi tamtuk a rak um cang. Tuzing April 13 zinglei sumilam 4:00Am hrawngah Mandalay Aungmyatharsi Myone Shwemantaung golf Club pawngah inn 21 a kang dih tiah theih a si.

Zeitindah inn a kanghning a si i timi thawng fiang zeihmanh theih a si rih lo. Zeiruangah dah a kangh, zeitindah mei aa thokning a si timi cu ṭuanvo ngeitu hna nih an dothlat cuahmah lio si i atu tiang cu thawng fiang theih a si rih lo. Inn pakhat a kangh hnuah inn dang zong a tlaihchih i inn 21 ziam dih lakin a kangh hi a si.

Inn a kang ti a theitu minung pakhat nih a chimmi cu,”A hmasabik i a kanghmi inncung leiah thil atlami thawng kan theih i a hnu i kan von zoh cu inn a rak kangh hi a si. Inn dang zong a tlaihchihnak hi a si. Inn a kanghning zong tikah mei lei daithlang ruangah a kangmi si dawh a lo loh, thil dang ruangah a kangmi si lai,”tiah a chim.

Mandalay ah inn a kangh ruangah a inn in inn 36, a mipum in minung 166 hna cu umnak ding hmun ngei loin an vakvai ko tiah theih a si. Inn a kanghning zong tikah ralhrang pawl palik le ralkap hi lunghrinh an si. Anmah kut in a kangmi a si ko lai tiah mipi nih an zumh bikmi cu a si. Chirhchan: Vapualauaw

Kachin Ram Alaw Bum Sakhaan Kahdohnak ah Myanmar Ralkap a Thimi an Tam. Kachin ramchung, Tuluk ramri pawng ah a ummi Alaw Bum sakhaan lak tthan ding Myanmar ralkap nih vanlawng in ni 4 chung pehzul in an doh nain Myanmar ralkap lei in a thimi nitin in an karh, tiah theih a si.

May be an image of bird and nature

Alaw Bum tlangcung i sakhaan hi Myanmar ralkap nih kum saupi an rak tlaih nain kan hnu March 25 ah KIA nih an rak lak khawh. Cu tlang cu lak tthan ding in ni 4 chung pehzul in Myanmar ralkap nih vanlawng in an kah i, Tuluk ramchung zong vanlawng bomb 6 an vung tla. Cu lawng si loin Myanmar ralkap nih Tuluk ramchung tiang ah an vanlawng an zuanter i Tuluk ram lei in Alaw Bum tlang cu fak taktak in a den nain atu tiang an la kho lo.

May be an image of 1 person, standing and outdoors

KIA chimnak nawlngei Col. Naw Bu nih, “Ni 4 chung pehzul in vanlawng in Alaw Bum tlang an rak kah. Ralkap thazaang an chap chin thluahmah i, kahdohnak a fak chinchin ko lai,” tiah Irrawaddy ah a chim.

No photo description available.

Vanlawng hmang in Myanmar ralkap nih an kah pin ah kee ralkap bu hnih nih KIA cu an kai hnawh hna. Asinain, Myanmar ralkap in Battalion Commander pakhat telh in ralkap tampi an nunnak a liam. Cun, a tlawm bik Myanmar ralkap minung 8 a nung in an tlaih hna. Nihin zinglei zong ah Phakanh khua lamzawhtu pawl tthenhmal ding in a rami ralkap motor cu Phakanh khualuh lai ah Landmine in an puah hnawh i, ralkap le palik minung 5 an thi.

Bangkok Post article

Butao lei zong ah nihin ah ralkap motor tlarpi cu KIA nih lampi ah an kah i, kahdohnak fak ngaiin a chuak. A thimi an um le um lo theih a si rih lo. Cun, nizan April 12 ah Moekok ah KIA le Myanmar ralkap an i kap i, Myanmar ralkap lei in minung 10 an thi, tiah DVB nih a langhter.

Burmese military admits airstrikes against Kachin

Momauk peng chung i palik checkpoint pahnih le Tarpein hlei pawng i ralkap sakhaan pakhat zong KIA nih nizan ah an lak cang. March 25 ah KIA nih Alaw Bum tlang an lak hnu in Kachin ramchung hmun kip ah le Shan ramkulh chung ah KIA le Myanmar ralkap karlak kahdohnak a fak chin thluahmah. Source: The Chin Journal, April 13, Yangon (DVB, Irrawaddy)

Leave a Reply