Malaysia UN Nih Mithar Minung 80 A Lak Timi Kong He Pehtlaiin Mipi Nih Theih Herh Ngai Mi: Nizan November 28 ah Myanmar ram i ralzam mipi tampi cu UNHCR nih mithar alak lai tiah ruat in UNHCR office hmai ah an i pum khawn hna. Nizan zinglei suimilam 1am ah UNHCR office hmai an khat dih tiah theih asi. UNHCR nih mithar alak lai timi hi community hna nih siseh UNHCR officer hna hmanh nih an theih lomi asi i mipi nih khuazei in dah an theih timi cu khuaruah har asi.

Thilum ning cu nizanchun, November 27 ah khan kachin mi minung 80 hrawng cu appointment zong um lo in UNHCR ah an kal i UNHCR tuanvo ngeitu hna nih an zatein sinah, tuhnu lei thla 10 hrawngah kawh ding nan sile kan in kawh than hna lai an ti hna i catlap fate appointment catlap ngaingai silo mi an pek hna i cu tin an kirter hna. Nizan tihni chun i minung 80 hna cu kan in khawh than khawh mi hna asi ti i catlap fate an rak pekmi hna cu hmun kip ah akarh i mi nih an van chim chin mi cu, akar chinchin i UN nih mi thar alak an ti i cutin minung hi zat UNHCR hmai an hung chuak nak asi.

 

UNHCR nih mithar alak siloin mipi lei nih an mah tein, UNHCR nih mithar alak tiin an hung chuak mi asi. UNHCR nih athliin mithar ala ballo community hna sinah achin thenh ko. Mithar laknak ding kong ahcun UNHCR nih leiti lei paoh in community sinah pehtleih lo le chimlo in aum lai lo. Zeiruang ah ti ahcun Malay i aum mi ralzam hna cu an mah le community an ngei cio ansi tikah UNHCR zong ralrin tein rian atuan.

Cu ruangah nizan zing i thawngpang thar UNHCR nih mithar alak timi cu UNHCR nih offical i thawngthanhnak atuah mi asi lo, mipi lei nih nizan chun i minung 80 catlap fate an pek mi ruangah an kan pek ve men lai timi ruahchannak in a kalmi an si, mi cheukhat pawl nih zeithei loin an kal ve sawhsawh mi khi asi. Ref: TCT

Relchih, na caah bawmtu ttha si hrim lai. Vawleicung sianghleiruun minthang bik pakhat asimi Yale in economics a dih. Vawleicung ah sipuaizi le phaisa lei “economics & financial center” minthang bik asimi Wall Street ah rian a rak ttuanmi asi. Hollywood ah photography le adult film lei company hna a rak ngeihtu zong a rak si. Cu pa cu a min ah Shawn Pheasant asi.

Cu tluk dirhmun le sining ttha in a rak nungmi pa cu, nihin ahcun umnak inn ngeilo “homeless” minung ah ai chuah diam ko. Naite ah mirang news pawl nih a konglam an ttialmi ka rel tikah ka thinlung aa ka suk ngai. Minung kan fimthiamnak siseh, kan thilri si hna seh, kan sining dirhmun hna zong hi siseh-zeihmanh bochan tlaak taktak an rak si lo zia, zeihmanh uanthlaarpi ding zong an rak um lo zia a langhter. Pathian tel lo cun pakpalawng lawngte an rak si dih ko.

Cucaah hi vawlei ah chikhat te kan tlawnlennak chung ahhin Pathian dah ti lo cu, zeihmanh bochan awk tlaak an um lo. Nifatin nunnak ah Pathian ai bochan taktakmi lawng nihhin, vawlei nunnak hi tei khawh taktak asi. Pathian thei bu tein nun ii, mah sining le dirhmun te ah ai lawm khomi le a diriam khomi minung hi mirum bik an si ko.

Vawlei chawva rumnak te hna, fimthiamnak te hna, dirhmun saang sinak te hna-vialte zong hi Pathian umpi lo le telpi lo cun ttih a nung tuk. A duh ahcun mi a cawisaangtu le a duh ahcun tangah mi a thlatu Pathian asi. Cucaah kan thinlungput in siseh, kan nunzia in siseh, kan biachim kaa-aan in siseh-nifatin kan nunnak ahhin Bawipa duhnak a kawl hmasami le Bawipa lawnglawng ai bochanmi si zungzaal ko hna usih. Credit: Salai Van D Ceu