Malaysia ummi Salai Ngun Nei Luai Pawpi Cancer Operation Tuah Aherh Thlacamnak bawm hna usih

Chin News

Nganzawl khuami Pu Hrang Sum (tleicia) le Pi Hram Sung (tleicia) hna hi an fapa upabik Ngun Nei Luai, kum 42 ( Contact no : 011 6390 9363) cu pawpi Cancer zawtnak ngei in Malaysia Kuala Lumpur ah um HUKM siizung ah a um lio a si. Amah hi 25 March 2004 ah Malaysia ah a rak phanmi a si.

Image may contain: 1 person, selfie and close-up

September 2020 hrawngah a pawfah hi a thok i ti le rawl zong ṭha tein ei kho loin a rak um i siizung ah kal in a zohkhenhmi a si. Asinain a paw fah caan cu ahung rauh deuh ruangah 10 November 2020 ah Ampang sizung ah kalpi a si.

Siizung ah caan zeimawzat a um hnu 14 November 2020 ah sizung in chuahter ṭhan a si. Ampang nih rat ṭhan te dingin 1 December 2020 caah a pointment an pek nain, caan a hung rauh deuh ruangah 21 November ah HUKM sizung ah kalpi ṭhan a si.

HUKM Doctor pawl nih an zoh hnu ah pawpi Cancer na ngei tiah an chimh hi a si. 26 November 2020 ah Operation tuah dingin sizung lei nih an chimh. Operation tuah dih hnu ah anmah Doctor lei nih zohkhenhning le thlopbulning cu chimnak an ngeih ṭhan te lai.

Operation tuahnak dingah RM 30,000 (Malaysia tangka)hrawng a dih ding a si. Malaysia kan boruak sining le dirhmun cu dirhmun ṭha lo ngai ah a dirmi kan si tikah chawva tampi dih in Operation tuah ding a si caah Operation a tuah kho lai maw tuah kho lai lo ti chungkhat unau rual nih an buaipi cuahmah lio a si.

Kakip ummi Chinmi nih thlacamnak in bawm cio hna usih. Tangka chawva in bawmhnak a peek khomi nih bawmhnak zong peek khawh a si. Atu lio Malaysia dirhmun cu kan theih cio bangin zawtnak rai ruangah ṭuan khawh loin um a si i an dirhmun sining a ṭha lo ngaingai. Cu lioah RM 30,000 von chuah ding hi ahar ngaingaimi a si. Cucaah bawmhnak pee cio dingin kan in sawm hna. A tanglei ah pehtlaihnak hna kan rak chiah chih. Chirhchan: FRO Malaysia

Pehtlaihnak;
Saya Zote: Contact: 011 6054 2674
Miriam : 011 1237 8079/011 3797 3220

Admin hmurka: Chinworldnewsvening nih thawngpang kan ṭialmi hi kanmah nih  kan phuah cawpmi kan ṭialmi a si lo. Mipi sinah adikmi thawngpang zamh hi kan  i hmuitinhmi a si. Cun, thawngpang kan ṭialmi hi areltu mipi caah ṭhathnem  santlaih, theihtleih ṭha siseh ti hi kan i hmuitin bikmi a si. Asinain, minung kan ti  cu tlamtlinlonak tete zong a kho mi a si caah thawngpang kan ṭialmi kan palhnak a um  cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Cun, Na relmi thawngpang hna hi midang nih an rel khawh ve nak hnga aṭha tiah na ruahmi a um ahcun share in rak kan bawm ve. Kan ca a kan rel piaktu nan dihlak cungah kan ilawm. Upatnak he Admin

Note: Mi tampi nih an hmuh khawhnak hnga SHARE cio bawm cio dingin kan in sawm hna.

Leave a Reply