Malaysia ah a ummi ralzam hna hi kan dawt ko hna, riantuannak nawl, ngandamnak le fimcawnnak caah a si khawh cung in kan bawmh hna lai tiah Malaysia ramleng vuanci Datuk Saifudin Abdullah nih a chim.

1951 UN convention ah min a thumi ram kan si lo nain kum 2020 chung ahhin ralzam kan si khawh tawk in kan bawmh hna lai. Ralzam hngakchia hna fimcawnnak ding caah cozah theih pi tein tuah ding zong tampi a um.

UNHCR he zong voitampi kan i tong cang i kan i ceih cang. Ralzam zohkhennak ding ah min a thumi ram kan si lo nain min a thumi ram hna nak in tha deuh zong in ralzam kan zohkhenh khawh ko hna lai tiah Malaysia ramleng vuanci Saifufin nihcun a chim. Credit: Hakha Today