Malaysia Laipa Hri A Awhnak A Ruang Bik Tiah Zumhmi

Chin News

Tlangval Duh Cung Thang cu A pa Hriangkhan. Pu Thla Kung le Anu Dawn. Tuah Thai hna i an fapa asi. Kantayar ah khua sa mi an si,A tu hi a nu le a pa le afar hniangbik hi tu Kantayar ah an um lio si, Unau pa 4 an si i, Pa Duh Cung Thang hi Dawt Len Sung(Minge) he aa phir mi an si. 3/5//31995 ah an chuak, A nau le ah, Nu Ttial Len Par le Nu Edi Van Ttha Par an si, Dawt Len Sung(Minge) cu tu hi Thantlang ah chung khar he a um lio si.

Image may contain: 1 person, sitting and shoes

A changtu Nu Ttial Len Par cu Singapore ah a um lio a si, a nau hniangbik Edi Van Tha Par le a Nu le Pa hi Kantayar ah cun an um lio si, Pa Duh Cung Thang hi Malaysia ah kum 2011 ah khan a phan ve tuhi kum 8 nak a um si ve cang, Semremban CCF Khrihfabu ah nai tein Mino upa zong a kan ttuan pi liomi a si.

A rian ttuannak cu , 11,zalanbunga raya 4, taman tasik jaya,Seremban negeri sembiblan ah a si. A boss pa zong nih ai zoh thla tuk mi a si. A mah he a rian ttuan tti hawi hi Khampat CungBawi he an si, hitihin hri in aa awhnak hi kan ruah tikah kan zumhning cu Anu ngak ruangah a si lai tiah kan ti cio. A hawipa Cung Bawi nih a chimnak ah cun hmun khat kan um lio ah a dl he an i sii i a dl nih ph thah khanh i chawn duhlo in a um cu hnu ah innvam hna a thongh tiah a ti.

Image may contain: 1 person, sitting

A hnu ahcun zei ruangahdah ka dl nih hin a ka chawnh duhlo tiah a ti i a lungfak tuk i zu ka caw lai tiah a ti i a hawipa nihcun a thlaoh ko nain a thlaoh kholo i zu cawk cun a kal tiah a ti, zu a cawk in a rak ttin i zu cu a ding i zu palang in a lu hna aa tuk i a thi chuak tiah a chim. Caan tlawmpal ah a hawipa cu a zaw i KL ah ka dam hlan chung va um ning tiah ka kai, KL ka kai kar ah anmah Kantayar mi kan hawipa pakhat cu Duh Cung Thang sin ah cun rian ttuan ah arak lut ve a nih zong cu KL ah a kai kar a si ve.

Image may contain: 1 person, selfie and close-up

July thla ni 8 zan lei CCTV an tleih mi ah cun hitihin an hmuh ning si, zan lei ah dawr in a ttin i zu aa cawk pah inn a phak in phone aa chawn, phone aa chawnh khawhin a angki aa phoih i hriin aa awh CCTV nih a tleih ning a si. Nazi pa 6:30 pm hrawngah a thih hi si. A thai zing July ni 9 ah a boss pa nih rian ttuan zat ah a auh i a theih ti lo caah a va zoh i a ruakin a hmuh hi a si.Image may contain: 2 people, people sitting

Duh Cung Thang hi zu ding mi si nain hawidang bantukin zu din i buaibai hmangmi si lo, zu a din dih in a it colhmi mi daidam te si ko.. Hri in aa awh hlan ah a nau Edi Van Ttha Par nih July ni 5 ninga ni zingah khan donghnak kan i chawnh si i a cungah lungfahnak dingin zei bia hmanh kan chimmi a um lo a ti.

Tuan deuhah ka U he an i chawn i ka dam lo a ti i na dam lo cun Zu hna ding hlah kuak hna zu hlah a ti i, zu le kuak lo cun zeitin ka um khawh lai ti zong a rak ti nain cucu a hlan tuk cang i lungfah nak tiangcu a si lai ka zumlo a ti.. Keimah he kan i chawnh ni nga ni zing hi hnubik asi tiah a ti.

Duh Cung Thang hri in aa awh hlan deuh. July ni 8 na zi 5:2 pm ah a fb timeine ah Love Song fung hnih a post ta mi lawnghi a donghnak a tuah ta mi a si. Hri in aa awh ning le a dl he an rak i sik ning le a fb thil tuahmi kan zoh le CCTV an zoh i an hmuh mi thil ah hin a dl ruangah si lai tiah mi tam deuh nih kan zumh. A dl hi Khampat khua mi si Australia ah a um mi si tiah a hawipa Cung Bawi nih a chim.. Mi dang nih a Dl ruang si le silo feh ter ngam hna hlah hmanh seh law.

A hawipa Cung Bawi nih cun a fehter ngam zei ruangah tiah cun a hawi le ah Cung Bawi he a neih niam bikmi le hmunkhat ummi an si tikah an ngeihchiatnak le an lung retheih nak aa chim ruah tawnmi an si tawn. Tutan zei hmanh chimlo in hitin ruahlo piin a um hi a dl ruanglo ahcun zeidang ruang ah a si lai ti ruah awk kan hngal lo i kan lung fak tuk ko.Tu hi a Phone Police sin ah a um lio si i checking an tuah te lai i bia fiang deuh zong kan theih than te lai.

Duh Cung Thang a ruak cu thla ni 8zan ah Seremban CCF biakinn ah Rev. KB Nun Cung le ZACF pastor Rev. Ral tthio le CCF member le ZECF member hna nih ngeihchiat nak hrawmpi nakin tthutpi nak an ngei, a ruak hi kawlram lei tlunpi dingin timhtuah nak an ngei a tlamtlinnak hnga Thlacam in bawm cio hna u sih. Hi bantuk lungfak tiangtiang in a Dl le a tuahmi lainu kan um hi poituk. Lai nu tampi nih ralrin nak ah hmang hna usih. Creditnunphungsunhsak

 

Leave a Reply