Bawmhhalnak: Kan hnu lei ah kan rak chim cang bang in Malaysia ah ralzam dirhmun in Salayang Hospital ah pawpi cancer in zualhma ngai in a ummi Pu Hmet Mang (kum 59 ) caah Malaysia ah a ummi kan miphun hna sinah bawmhhalnak cabawm kan rak in pek hna lai. Pumpak cio nan sin ah bawmhhalnak cabawm kan rak phah ter lai i nangmah le na sian tawk tein Pu Hmet Mang caah nan rak bawmh ve cio lai zangfak kan in nawl hna.

Pu Hmet Mang cu a pawpi cancer in thla 10 cu a kuah cang mi a si i a zual tuk cang caah a tu hi Salayang hospital ah a um ko. Tangka tamtuk a dih ding a si caah CYO nih kan miphun hna sinah bawmh kan hal piak. A mah cu Thantlang peng Salen khuami a si i Malaysia- Puchong ah a nupi le fale 5 he khuasami a si. UHNCR nih an card an chuh cang hna. Chin Youth Organization Malaysia

Relchih: Ka vun peh rih lai. Atulio online thilsining boruak ka lung-ummi. Laimi hi ramdang kan umnak a vun sau deuhdeuh ii, mitampi cu Laitlang lei ummi chungkhar he i pehtlaihnak (relationship) a rawk chin lengmang in a lang. Cucaah Laitlang lei ummi nih ruah a herh vemi cu: 1. Fale pei an si cu u le nau pei an si cu tiin lawmh biachim (thanks/appreciate) zong um satsai loin a tuah awk pei asi cu a ti awk pei asi cu phaisa aa kan kuat awk pei asi cu tibantuk lungput a ngeimi poahpoah cu ramdang ummi chungkhat he an i pehtlaihnak a rawk thluahmah ko lai.

2. Ramdang kan nunning (life) taktak hi Lailei ummi nih an rak thei taktak lo. Lai lei chungkhat nih ramdang ummi he i chawnhbiak tikah abiapimi cu thazaang pek thiam hi a herh ngai. Ramleng ummi hi an thinlung a rak ba ngai ti kha philh piak lo ding asi. 3. Ramleng lei chungkhat le ramchung lei chungkhat i pehtlaihnak a tthatnak dingah abiapimi pakhat rih cu phaisa kongah i zumhnak (trust) a um bak hau. Phaisa kongah i zumhnak (trust) a um ahcun phaisa kuat an tha-tho peng lai. An ei hnga le ngeihchun te hmanh an sian peng ko lai. Salai VDC