Atu nai Nu Thian Nei Zing te nufa Yangon, Minigone, Dagon Center 2 hmai hlei tang ah riak nak ngei loin an vakvai timi thawng kha Chin Ramkulh Sipin Minister hlun Salai Issac Khen le Falam Pawlpi lutlai hna nih an va lak khawh cang hna tiah thawng kan in thanh than.

Kan i lawm. Atu hmanthlak kan rak langhter mi pa hi Myanmar ram Sa-kik cit zuamnak lei i lutlai Ko Tit a si. Amah nih pehtlaihnak an rak kan tuah i, amah nih tangka zeimawzat a pek hna lawng si loin ei din a cawk piak hna.

Tuan deuh an tialmi: Bawmh halnak: Falam peng Lumbang khua mi Nu Thian Nei Zing le a fa Yangon Minigone hlei tang ah riak nak an ngei lo i an vakvai tiah kan theih. Thian Nei Zing te nufa hi Malaysia in an rak tlung i laitlang lei tlunnak ding tangka an ngei lo. Yangon khua pi chung lamkam ah zaan li an riak cang.

A fate hi a no tuk rih. Ei awk din awk zong an ngei lo i kawl pawl nih changreu an cawk piak hna tiah Yangon khuasa Akonthi Media ngeitu Salai Kyaw Moe Htun sin in kan theih. Yangon um kanmah Chin mi nih hi phone number ah pehtlaihnak rak tuah te hram uh. 0978590699. Credit: The Hakha Post