Malaysia CRC Lei In Thawng Fianternak

Chin News

Thawng Fianternak

Image may contain: 15 people, people standing and shoes

Chin Human Rights Organization (CHRO), Australia Chin Federation (ACF) le Independent Chin Communities Malaysia (ICC) Nih UNHCR le Australia High Commission Malaysia Tonnak

[Hi tonnak ah, CRC in Coordinator Dawt Ceu Bik le Embassy In-charge Salai Ceumi an i tel kho;]

1. Australia Senator Dean Smith hruainak in Chin Human Rights Organization (CHRO), Australia Chin Federation (ACF) le Independent Chin Communities Malaysia (ICC) Nih UNHCR le Australia High Commissioner Malaysia hna cu 2019 March 1 (Cawn Ninga Ni) ah Malaysia khualipi an zung cio ah tonak kan ngei hna.

2. Chin upa hna nih UNHCR le Australia High Commission chung in kan ton khawhmi hna cu a tanglei bantuk in an si;

a. Mr. Thomas Albrecht, Chief of Mission, United Nations High Commissioner for Refugees (UNHCR), Malaysia

b. Mr. Michael Growder, Deputy High Commission, Australian High Commission, Malaysia

3. A tutan ah CHRO, ACF le ICC hna nih UNHCR le Australia riantuantu upa tonak ah a biapi in thil a tanglei bantukin an hal;

Ralzaam caah;

o Kawlram ah Chin ramkulh ah hmun cheukhat ah ralthawhnak, nuhrin covo le phung buarnak, a hramhram in kan Chinmi cung ah serhsat/zawmhtaih a um cuahmah ko lio ah UNHCR nih Chin miphun ralzaam sinak le humhimnak pek tilo ding le cucu pumpak konglam kherhhlai (interview) tuah in Card chuh cuahmah mi hi ngol ding. o Chin ralzaam pawl humhimnak ca ding ah policy tha tein zohfel thannak ding ah le a herh ahcun, aphan tharmi pawl UNHCR card thar chuah piak than ding, cun Asylum Card in a ummi pawl an card caan sauhter chap ding le chuhciami Chin ralzam pawl kha an card pek than ding

o Chin ralzaam pawl an tlaihmi hna, a bik in Immigration (Lah-wah-kah) thong ah a ummi pawl va bawmh chanh ding. Cun, hramhram in Kawlram ah kuat le tlunter mi pawl hi hrial khawhnak ding ah caan tawi humhimnak pek in bawmh ding. o Ralzam sinak card a ngeicia cangmi kha a si khawhnak ram thumnak paoh ah kuat piak (kalter) khawh ding in zuampiaknak ngaih ding

o Chin ralzaam hngakchia he khua a sami chungkhar pawl hi a hlei in Australia lei ah lanh khawhnak ding in tawlrel piak ding. A kan laknak ding Australia cozah sin ah hal piak ding. o Min aa khatmi pawl siseh, a dangdang a diklomi kong rak chim ruang (Fraudulence case) ah caan saupi hngak in ramthumnak kal a hngakmi pawl kongkau ruah piak than ding

o Konglam a diklomi chim ruang ah RST/DSU nih case an hrenmi hna kha a thiang cang timi ca an pek mi hna paoh paoh an case hren ti lo ding o Chungkhar khat si ko bu ah Case then ruang ah ramhnihnak ah a tang rihmi pawl kha chungkhar umnak ram thumnak ah kalter in an chungkhar he tonthannak tuah piak ding

Asylum Card aa tlaihmi caah:

o Asylum card aa tlaih i RSD interview phit hnu ah card/catlap chuh cia mi pawl kha atu lio kan Chinram a ningcang rih lo deuhnak kong zoh in humhimnak pek than ding o UN nih an kan phihnak hi zohfel thannak a phih a chuah hlan lo tiang UN card chuh hi ngol piak ding le

o RSD interview (Ralzaam sinak ah aa tlak, tlak lo timi konglam halnak) hi a tu nan tuah cuahmah lio mi hi nan kan dir piaknak lai. Phung remh than ding in zohfel thannak a dih dongh hnu lawng ah RSD interview tuah ding. o Malaysia le India a ummi Chin ralzaam paohpaoh Reject nan tuah i card nan chuh cia mi hna zong an sining zoh piak than dih ding

For Registration; (Minthar ipeknak caah)

o Hngakchia/nau chuakthar pawl min lak i ralzaam card pek ding, cun an nu le pa file ah khumh piak ve ding, cun community chungtel thar min pawl UNHCR nih cohlan piak than i himhimnak a thar in pek ding For Protection; (Humhimnak caah)

o Chin ralzaam tlaih a tong i Thonginn/Khemh chung ah a ummi pawl a hramhram in Kawlram ah kuat piak lo ding in bawmh ding o Chin ralzaam chung in hngakchia tampi Malaysia Cozah sianginn ah kai khawh a si lo caah Ralzaam nih tuahmi fimcawnnak lawng ah a kai kho mi pawl kha dongcat lo in bawmhnak pek ding

4. Hi tonnak ah UNHCR le Australia High Commission tonbiaruahnak ah biatha le biathlum in lehnak an kan tuah. A bik in, UNHCR Chief Thomas nih a cunglei halmi chung in a biapi bikmi thil hmasabik chiah in kan tawlrel thluahmah ko. A hlei khun in, humhimnak dongh “cessation” timi biafang hman tilo ding le, Option thimmi kong ah thinphan awk a um tilonak a si. UNHCR nih policy review tuah cuahmah a si ruang ah a cunglei halmi vialte hi duhsah in tlamtlinter ding in timlamh cuahmah lio a si. UNHCR nih phung (policy) remh than kawhnak ding caah Ramchung sining belte pehzulh in nan kan pek a hau tiah UNHCR lubik le RSD department head nih an chim.

5. Atutan Chin upa le UNHCR siseh, Austrslian High Commission tonnak cu a hlawh a tling ngaimi tonnak a si tiah kan ruah.. Independent Chin Communities Malaysia

Note: Acung lei I kan tial mi le langhter mi hi zoh le tuak ah cun thatnak lam lei ah atu tiang cu apanh mi thil asi. Cu caah hi ban tuk thil ah lungrethei le thabatnak zoh lo bu tein an kan tan pi I aken kip ramdang ah akan kal piak tu CHRO riantuan tu nan cung ah le, Australia lei in kan ule asi mi Pu Renny Ceu le Pastor Ca Lian Thang le Australia Senator Dean Smith le adang dang akan bawm chan I a kan dirkamh peng tu nan dih lak, nan chawva dih in siseh, lungretheihnak le batnak in a tong ko nain akan bawm tu nan mah thawng in Lam thatnak lei hi kan panhnak asi ban tuk in nan cung ah Malaysia le India aum mi Chin Ralzaam nih kan ilawm tuk hring hran ti mi le Pathian nih alet in thlua inchuah hna seh law lam in hruai chin ko hna seh.

Lung lawmhnak tam pi he Nan rian tuanti hawi,
CRC

Leave a Reply