Tlaihkhih Ralrin Peknak: Tu lio Malaysia chung tlaihkhih atam lio asi, hmai lei zei tik tiang tlaihkhihnak an peh zulh lai ti theih khawh asi lo caah nan umnak, riantuannakle umkalnak cio ah ralring tein nan umnak lai kan inthanh hna.

Nan riantuannak ah tlaih khih nan ton sual ah cun caan tawi rian (Part time) lawng in kan tuan tiin chim ah atha.Aherh poi aum sual ah cun mah le pehtlainak zung cio ah thawng thanh khawh kan izuam cio hna lai. Siaherhnak he,CRC

Note: Hmanthlak hi cu mah caia he aa tlak ning in tar le chiahmi a si.

Relchih ding: Hruaitu ttha pakhat sinak ding ah tuah le theih a herh mi thil phun ( 6 ): Vawlei cung hmunkip kaakip cio ah hruaitu minthang phunphun an um hna. Mah hruaitu tha hna khi an chuah kaa tein hruaitu le minthang cia in a chuak mi an si lem lo. Hruaitu tam deuh pawl cu hruaitu tha sinak ding caah tiin harnak phun zakip tei khawh an i zuam. Zeitik hmah ah harnak an i teiter lo, sihmanhsehlaw harnak tu kha tei an i zuam zungzal. Hruaitu tha pakhat timi cu kan theihhngalh mi lawng in a za lo, kan tuahsernak tu kha a rak biapi deuh.

Hruaitu tha pakhat sinak ding caah theih a herh mi tampi lak ah tlawmpal a tang ah kan langhter lai.Hruaitu tha nih cun a biakam ning in thil a tuah zungzal. A tuah khawh lo ding asi ahcun zeitik hmanh ah biakam nak a ser bal lo. Minung nih zohcho mi siding i zuam loin, minung nih upat mi si aa zuam deuh. Hruaitu tha pakhat nih cun thilhman a tanh zungzal. A deu le a thlithup in thil a tuah bal lo. Mi nahchuah a hmang lo i mi sifak le mirum cung ah thleidan a ngei ballo.

Hruaitu tha pakhat nih cun bia a chim tik ah bianem a chim i a chimmi bia hna kha sulllam an ngei lai. Biatam a chim lailo mi upat le tizah a thiam fawn lai.Amah tein a fimthiam nak konglam aa cawisang lailo sihmanhseh a biachim le a umtu nih mifim asi kha a fian ter lai. Cun mi bohchan le hngetchanh chom in thil tuah a hmang lo.

Hruaitu tha pakhat a simi nih cun caan hmaan tein rian atuan zungzal. A fawinak chin cun caan upat athiam. Tlai sual le tuantuk ti um ni a ngel lo.Hruaitu tha pakhat nih cun toidor nun a ngei i hawidang nak in a tuan khun. A mah le mah zumhnak a ngei zungzal. Phaisa nih a uk kho lo, mi nih an hleng kho lo.

Mah a cunglei pawl hi hruaitu tha asi mi le mifim pakhat nih cun tuah aa harh lo. A ruang cu mi dingfel asi, thil hmaan a tanh mi le a tuah tu asi caah asi. Cucaaah hruaitu tha si na duh ahcun mah pawl hi tuah khawh le zulh khawh rak i zuam ve. Mah nih thil tampi an bomh lai.