UNHCR Thawngthanhnak: Dawt Mi Malaysia um mi Chin ralzaam vialte, Nan dam cio hna maw? Atang lei ban tuk in tu ni ah UNHCR, Malaysia nih thawng thanhnak an kan tuah. Lai ca in leh mi le amah mirang ca in an kan kuat mi original ka rak taar chih. Atang lei bang hin asi. Dawt mi Pengtlang le Committee Hruai tu hna. Vaw lei cung dih lak I a um mi UNHCR riantuannak paoh paoh cu ngandamnak lei vuanci zung nih atu lio zawtnak rai atlung mi COVID-19 (Coronavirus zawtnak) he peh tlai in atang lei bang in tuah ding ah ruahnak cheuh asi. Malaysia ram sining hoih in, UNHCR nih ahlan kan in ngandamnak lei ralrinnak le vennak hi kan tuah ve. COVID-19 zawtnak hrik ichawnhnak tlawmter deuhnak ding caah mitam pi abu in umti lo ding kha asi.

UNHCR zung pawng kam I a um mi, UNHCR ah rian tuan mi, Ralzaam le Ralzaam sinak asok lio mi (asylum seeker) pawl zong himtein ven duh ruang ah mi abu pi in umter lonak kan tuah hi asi. Fiang deuh in chim duh mi cu, pumpaak in March thla le April thla chung ah zung ah rat ding in appointment pek cia mi paoh paoh kha thawn piak dih than nan si, cun ralzaam le ralzaam sinak sok mi zung paoh paoh (communities) UNHCR zung ah zei ban tuk hlat-hlai duh ah siseh pakhat khat tuahpiak ding ruang ah siseh nan rak ra lai lo, kan mah nih thawng kan in thanh hna hlan lo cu. Mah hi hi tuni , 13 March 2020 thok in hman le zulh asi.

Tuni thok in UNHCR nih UNHCR zung ah rat ding in appointment pek cia mi paoh paoh kha pumpaak in pehtlaihnak tuah I appointment pek ni thawn asi kha chimh cuahmah asi cang. Cun phone cakuatnak in nan phone ah “ Ngandamnak lei ah ahlankan in ralrinnak tuah duh ruang ah, theihternak kan in tuaqh than hna hlan tiang zaangfahnak tein UNHCR zung ah rak ra rih hlah uh. Tam deuh in theih na duh ah cun hi kha hin hmet law zoh fel khawh asi www.refugee-malaysia.org” ti in cakuat zong an si. Hi hi caantha in laak I Vawlei pum pi ngandamnak lei bu (World Health Organization) hruainak in COVID-19 zawtnak he aapeh tlai mi zei tin dah ikhamh ning cang asi ti mi ahnu bik kong le thawng pang te te talh in links (Maivan kaunak) cu atang lei ban tuk in hrawmh kan in duh: www.who.int/emergencies/diseases/novel-coronavirus-2019 www.refugee-malaysia.org/

Zaangfahnak tein atang lei ah langter mi hi cu pehzul tein tuan asi ko lai ti mi hi icin ken. Tlaih le Khih ton tik chawnhnak phone number 012 6305060 Ngandamnak lei chawnhnak phone number 03 2118 4879 UNHCR nih communities le arian tuan ti dang pawl cu thawng pang atlang mi le aum mi aum ah cun amah kel tein pehtlaihnak le thanhnak cu a tuah peng ko lai. Thil si ning cang thatdeuhnak lei ah apanh lecang ka in , UNHCR zong amah kel tein on than asi lai.

Relchap awk: Laiholh in ka van leh than chom mi asi caah thawng thanh caan tlawmpal kan tlai deuh I rak kan theih thiam uh. Cun pumpaak in zung ah ka hal mi cu Card tet-tan ttu aduh mi (Card thlen duh mi) tah rat angah lai maw ka ti tik ah a ka leh mi cu “ For now everything is postponed” “ tu lio cu zei paoh paoh thawn dih asi” aka ti. Asullam cu card thlen zong angah rih lo tinak asi. Ref: Chin Refugee Committee, Malaysia