Malaysia ah Covid-19 zawtnak ruangah Company vialte cu khar dih ngawt an si hna i, rianṭuantu tampi zong rianṭuan khawh loin an um cio hna. Ramdang in rianṭuan dingah a rami cheukhat hna caah cun lungrethei ngaingai khi a si. Aruang cu rianṭuan awk a um ti lo tikah, phaisa hmuhnak a um ti lo.

Cu i harsatnak le lungrethei a tongmi hna lakah, Kawlrammi (Myanmar mi) tampi zong an i tel ve hna. Harsat lungrethei ruangah Chiapa thlachungte lawngah Kawlrammi mah le mah nunnak aa laami minung (11) leng an um cang ti a si. Cu mah le mah nunnak aa laami hna cheukhat cu phunglam (theihpinak a ngeimi) tein rianṭuanmi le phungning loin (theihpinak ngei loin) rianṭuanmi an si hna.

Cu ti i mah le mah ithahnak kong he petlai in rian ngeitu pakhat nih a chimmi,”Rianṭuan ding um lo ruangah ei le din kongah le inn hlan man pek awk ngeih lo ruangah atu bantukin mah le mah ithahnak tiang a chuah hi a si. Cun, chungkhar hna he hmun dangdang ah ummi an si tikah lungrethei, lungdongh ruangah hi bantuk tiang an ton hi a si,” tiah Malaysia Kawlrammi bawmchantu phu lutlai a simi U Sang Win nih cun a chim. Chirhchan: Irrawaddy

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Reference/Credit/Source ṭha tein kan pek peng lai. Asinain minung kan ti cu tlamtlin lonak tete zong a um kho mi a si caah thawngpang kan ṭialmi kan laknak zong ai palh kho mi a si i kan ipalhnak tete a um ahcun theihter khawh peng kan si. Cun, pehtlaihnak tuah duhmi nih Chinworldnewsevening page ah le J Vanduhthar Lahnin timi Facebook ah pehtlaih khawh peng kan si. Mipi sinah thawngpang thlazamh na duhmi um cun zeitik caan paoh kan i thlahzamh piak khawh zungzal hna. Kan ca a kan rel piaktu nan dihlak cungah kan ilawm. Upatnak he-Admin