Malaysia Ah A Nunnak Aliammi Tlangval Rual Kian Cu Aruak Kawlram A Phan Cang I A Chungkhat Le A Nau Nih An Don Cang Ngaih A Chia Ko Mu
Yangon ah an phanhpi cang. Thlacam Bawmhhalnak. Kan hnuzarh nithum ni i Malaysia a riantuannak ah thlalang nih a tlak i a nunnak a kan liamtakmi Rual Kian Lo (24) cu tu hi a ruak Myanmar ah an tlun pi i tubak te kha chungkhat le a unau hna nih Yangon International Airport ah a ruak cu an rak don.
Tuhi a chuahnak khua Khampat leiah lanhpi colh dingin timhlamh cuahmah lio asi. Lampi ah tluangtein a ruak an tlunpi khawhnak hnga thlacamnak in bawm cio hna usih.Credit: Chelsea Bawi ( Global Rawn Chin Media)
Hihi kawlram lei an kuatnak thawngpang a si. Malaysia ah akan thih tak mi kan unau pa KIAN LO a ruak cu Malaysia in Kawlram/Laitlang tiang tlunpi a si cang lai tiah theih a si. Lungthin a fak tuk hrinhran ! Malaysia ah har sa taktak in chungkhar pawcawmnak caah rianhrang tuan lioah hibantuk thawng i theih cu lungthin nih a celh lo bik mi a si.
Kan fapa KIAN LO zong Febuary 6 lioah Malaysia a riantuannak ah Thlalang nih a tlak caah a paw ah a tlak i a hmun ah a nunnak aliam beh tii thawngpang rak theih a si. I,a thei mi vialte zong ngeihchia taktak in rak um cio a si.
Kian Lo a ruak cu KAWLRAM /LAITLANG ah tlunpi dingin timhtuahnak ngeih dih a si cang i Malaysia ummi Chin miphun hna le tlunnak kong ah a bawmtu Kawl mi hna nih Nihin hi Malaysia ah kan fapa aruak thlahnak le Pathian sinah thlacam nak an ngei cang tiah theih a si.
Thaizing suimilam 10:30 am ah kan fapa Kian Lo a ruak cu Vanlawng nih kawlram ah a tak phorh lai tiah theih a si. Kian Lo hi kum 24 te mino a si i Khampat khua mi a si tiah theih a si. Tantak mi chungkhar caah hi thawmgpang thei in caa reltu vialte nih an caah thlacam nak in bawm cio hna usih.C Credit: Myanmarchin
Hihi a thihning cang kan ral tial ciami a si. Thihnak Darkhing: Malaysia ah Tlangval Rual Kian Lo(Khampat khuami) nih Nizaan ahkhan a riantuannak ah thlalang nih a tlak i ruah lo piin mual a kan liamtak. Tuhi a ruak Malaysia in Khampat leiah tlunpi dingin timhtuah cuahmah lio asi. Tantak michungkhar a tuar zia an thiamnak lai thlacamnak in bawm cio hna usih. Credit: Chelsea Bawi
