Malay Um Caah Ralrin Peknak

Myanmar News

Tlaihkhihnak fak piin kan tuah lai, hmun 10 kan hlathlai dih cang. Phung ning lo ramdang mi hna tlaihkhihnak fak taktak in kan tuah lai tiah Malaysia Deputy Chief Datuk Seri Ayob Khan Mydin Pitchay nih a chim.

Ramdang mi phungning loin an umnak hmun 10 zong kan hlathlai dih cang hna. A bik in Johor, Klang, Kedah le Kalantan ramkulh hna an si. Kuala Lumpur chung nai i kan luhnak Jalan Silang ” Mini Dhaka” kha a donghnak a si lo ti zong a chim. ( Kuala Lumpur chung zong hi pehtlaih in an lut rih lai tinak a si).

Ramdang hna an umnak hmun ah local rammi nih report a tamnak le umnak hi operasi a tam deuh lai ti zong a chim chih. Zei hmanh thawngthanh ta le ralrin pek hmasa a um lai lo ti zong a chim. Nai hrawng Malaysia operasi a tamtuk kan ti lio ah a tu hi tam chinchin ding in Malaysia nawlngeitu hna nih timhtuahnak an ngei cuahmah. Cucaah ralrin taktak a hau cang.

Operasi a tam deuhnak ding hmun hi Factory ( Sehzung ) a tamnak, Shopping mall, ramdang mi chawdawr tamnak le anmah rammi nih report a umnak deuh hi an ral lai timi cu a fiang ko. Cu caah ralring tein Chinmi um ko hna usih. Ref: CBN Daily News

Leave a Reply