Asunglawi tuk hibantuk mi harsa reitheimi kan bawmhmi hna hi Baibal zong nih a kan cawnpiakmi le Jesuh Khrih zong nih a kan cah taakmi bia zong asi. Cu pinah mi harsa reithei kan bawmhmi hna hi nun kan va cheuh hna he khin kei cu ka tahchun tawn. A lungput hi zohchun awk tlak taktak asi. Miphun dawtnak le zawnruahnak taktak angei ti fiang tein hmuh khawh le theih khawh a si.

Tutan ah Chin ramkulh peng Paletwa har tongmi caah tiin nungak Zbiak Kim nih kawlram tangka in 927,500 MMK a hlut tiah theih asi. A sunglawi tuk hringhran hibantuk nungak Zbiak Kim nih miphun dawtnak le zawnruahnak nganpi a ngeihmi hi asunglawi hringhran Pathian nih a letza in thluachuahnak pe ko seh!

Arakan Army le Myanmar ralkap i kahdohnak ruangah kan miphun hawi harnak a tuarmi tampi an um i zawnruatnak he Zbiak Kim nih 927,500 MMK ahlut tikah hin lunglawmhnak nganpi kan ngei. Nungak Zbiak Kim hi Hawikawl khua i Pu Tuah Lian le Pi Ngen Sung hna hi an fanu a si. CT Help Team nih facang tun 100 an cawk i a voikhatnak caah CBA phu nih mawṭaw in Sampi khua ah an kuat cang tiah theih a si. A voihnihnak kuat ding zong tawlrel cuahmah asi. Credit:Sianglianuk Hmingte Kianghrol