Mah Le Mah Thihnak Hmanh Ai Thei Lomi. Tulio cu Trump kong group ah a hung lum sa ngai i catialmi kan si caah Trump tanhtu lei kan dirhmun tete zohfelnak kan tuahmi a tanglei ah ka vun langhter a tlangpi in.

50% tluk hi khua leiah a unau, nulepa, nupi le pasal, fale or a chungkhat nih Trump ruangah harnak a tongmi an si. Cun hi chung ahhin Trump ruangah Malaysia, India ah kum 5 in Kum 10 chung a tap cang mi le khua lei a kir mi an si.

20% hi ramthumnak phan cia an si i midang hun phan ve ti hna hlah seh tiin hnachuahnak he ai pehtlai mi lungput a ngeimi kan si. 15% hi political umtuning zong a thei lomi, Trump hi piangthar taktak mi le zawtruahnak in a khat mi hmuh in a hmu mi.

5% hi politics lei a theihmi le pastor an si. Political minung asi ko nain Trump a tanhmi cu mipi sinah Credit hui lawng a duhmi thildik nakin mahka tangka hui mi kan si hna. 10% Hi thilsining ai fiang huaha lomi, an ti timi lei paoh ah a tang mi, mipi aw lei paoh in credit lak ai tim mi, pawl deuh kan si ve.

Fianternak; Pumpak in ahohmanh hnursuanmi kan ngei hna lo, Trump thatlonak ka tialmi comments tu hna kan dothlat mi hna chung in a si. Minung cu ahohmanh atling mi kan um lo, asinain politics le kan himnak ding ahcun a si khawh chungin kan dirhmun kan chim a herh. Credit: Chelsea Bawi

Pelosi vs Trump. Impeachment Trial liopi cu si kaw an sosat ning kha an thup kho deuh veve lo. Speaker nih kut a chanh i President nih a tlai duh lo. Cu liote Speaker cu umtu mithmai vun put thiam colh kha aa harh pah, “ngakchia ningzah ṭah, upa ningzah nih” an ti phun kha a hun si.

Nain, nutling a sinak te kha cu a hun langhter khawh, a mithmai a rawk tuk hraw lo, a hun i hrim hram i, Speaker dirhmun in a tuah a herh colhmi, President Trump cu Members of Congress hna hmaiah introduce a hun tuah.

Nain, “Members of the Congress, the President of the United States” ti viar lawng kha a chim i, voidang State of the Union biachim lioah Speaker nih an chim tawnmi “I have the high privilege and distinct honor of presenting to you” timi biatlang cu a chim ti lo.

Speaker Pelosi hi Daw Aung San Suu Kyi he aa daw ngai tonmi an si i, apa hi Democratic Congressman tiang a rak si balmi, Democratic Party ah a pa chan tein a turu ngai cangmi chungkhar, an party in congresswoman hna term 17 tiang a ṭuan cangmi kha asi caah an bu cu a ṭanh bak ko ti kha a lang ngai tawn.

Anih hi U.S ramah Speaker a ṭuan balmi nu um chun le President pakhatkhat a caan sual i a rian a ṭuan khawh ti lo sual ahcun Vice President hnuah President rian a vun chang colh dingmi a hun dot colhtu (2nd in presidential line of succession) kha a si. Tulio U.S.A ahcun nawl a ngeimi le huham a ngeibik pakhat kha a hun si.

President nih State of the Union (SOTU) a chim lio ahhin U.S.A ram hruaitu deuh cu tling nawn tein chuak ton hna kaw hi bantuk an zapi tein an ipumh lio te ahhin chikkhat vanchiat thil hna an caan thut dih sual ahcun President rian a hun cang colh dingmi an um sual lai lo, an ti caah Cabinet vuanci pakhat cu “tutan cu nang inn rak hngak” an ita ton hna i, Vuanci pakhat poah cu inn ah a rak um tawn. Cucu “a designated survivor” an timi kha a si i, U.S.A ram himnak caah a kakip in an iralrin thiam zia nih zohchunh an tlaknak zong kha a hun langhter.

Cutin Speaker Pelosi cu milianpi cu si ve kaw President nih a kut a chanhmi a tlaihpiak duh lo cu ka leh ṭhan ve ti bia maw asi hnga, President biachim a dih hnuah, President nih a kutah a pek tami a biachim catlap cu a thleh dih.

Speaker Pelosi hi Republican Party chungin President Bush kha amah a party chungkhar nih Iraq War kongah impeachment kan tuah lai, tiah an rak hal peng nain a rak thlauh hna. Cun President Trump zong hi impeachment ngaingai cu a hau lai lo, tiah a rak al balmi hna asi.

Nain, tutan ah Impeactment Trial hna a hun chuak lengah “kut aa tlai kho lomi” dirhmun tiang hna an hun phakmi hi cu kut aa tummi kut cu tlaih a har deuh ruangah maw asi, “tlukceo le em ceo” kan ti deuh hna lai maw dik––U.S.A tuanbia ah thil a cang theng bal lomi kha a hun cang.

Khuaruah a har pahmi tu cu: President Bill Clinton zong President Trump zong Impeachment an ton lio celngel ah SOTU an chimmi hi a hun si.

U.S.A Uknak Phunghram nih SOTU cu kumkhat voikhat chim dingin a ti caah upadi cu zulh hrim cu a hau nain a nicaan theng cu a um lo. Cun muilang le bia thengin Congress ah President va kalin a chim lai, ti zong cu a um lo. Kum 1913 (President Wilson) hlan cu President nih SOTU cu cakuat in Congress ah an hei kuat ton ko i mah cu asi ko. Tutan ah Impeachment Trial lio celngel ah State of the Union biachimnak an huntontermi hi cu an pahnih tein a nicaan an isiamremhmi asi ko caah an pahnih mawh si ko kun seh. Salai VLT