US president thim zaan ah khan Pu Trump nih swing state vialte ah ceilak a tei, vote 90% cung an rel cang hna. Democrat nih kan sung cang tiah an i ruah. Trump nih ka tei cang tiah mitku thaw ngai in a it. Trump nih a tei tuk caah election zohfeltu thiamsang tampi an khuaruahhar tuk cio.

Nain khuadei lai zinglei ah Biden a vun thawng than i Trump nih a tei cia nak states ah Biden nih a tei than dih. A bingtalet in thil a vun cang. Mail in kuatmi vote ah Biden mee a tam tiah an ruah. Nain ningcang lo riantuannak le mee firnak a um tiah Trump phu nih an ruah.

Tutan thimnak a buaiter tu cu mail in vote an pekmi hi a si ko, mah hi a hlankan tein Trump nih a doh ciami a si. Trump phu nih biaceihzung ah ningcang lo riantuannak tet-te he an langhter khawh ahcun ruah lo ning in thil aa mer than kho ko. Cattialtu: Salai Lungthli Tum

Relchih: Coronavirus khamhnak sii vaccine serchuahtu, Pfizer-BioNTech CEO Ugur Sahin nih “kum voi atu bantuk khuasik caan ahcun vawlei pumpi in nunning kel, normal life kan phan kho cang lai tiah tuchun ah a chim.

Vaccine kan chuah in kan phawtzamh dih lai i zawtnak vialte kan control khawh ko lai” tiah a chim chih. Virus khamhnak sii cu FDA nih approve an tuah hnu ah zapi sin ah phawt a si lai. Sizung le kum upa hna nih an i chun hmasa hnu ah zapi sin phawt a si lai. November thla dih lai ah chuah ding in timhlamhnak an ngei cang. US citizen paoh cu free in chunh a si lai ti a si. By Salai Lairamthang