Hlasak zuamnak haangfim te khi hei sisehlaw cu thadam tein goaltung lei kan phan kho ko hnga, silole teinak a hmutu poah kan hei conglawmh ko hna hnga. Sinain a chan sining nih a ngeih ve i thawhbur tello, mah thiamnak lawng i rinh ah cun lam tanttim ah i ngolsual a fawi ko.

An project aa lim khawhnak hnga caah anmah leikap in an tuahmi phungphai cu kan duh zong duhlo zongah kan tapchak a phan ko cang. Tukum MMID ah hin kan Chin miphun 3 bak an i tel tik ah kan lunglawmhnak le kan thinphannak aa cawhtthup. A siding a si ko. Upa ngakchia, tar le no thlu loin kan i tuaibur cio, kan chimrel cio a hau ko hih.

A biapimi cu Hakha ee, Falam ee, Mindat ee ti loin music kan hmuhning cio, kan thinlung a tongh ning cio ah hin vote tuah ko hna usih, kan duhphun aa dan cio lai caah vote hi kuangkhat ah kan sanh kho hna lai lo i cu cu a phung si ko tiah ruat hna usihlaw, teinak cotu paoh kha lawmhpi kho teding in i tim hna usih tihi a si.

Khah, kannih Hakha hrihhruai Yangon cu MMID Season 4 ah Esther Dawt Chin Sung aa zuam chungpaoh kan ti khawh tawkte vote pek dingin kan ti ko hih. Vote pekning kongkau ah aa fiang deuh lomi nan um sual ah cun kan chim te ko u ti zong kan in sawm hna. Hakha ummi zong vote pekning kongkau ah a herhmi um ah cun tlangval Moses (ph- 09442000882) sinah bawmh hal khawh a si ko. A can liote a si caah zaanghlei hun cawi cio ko hna usih.

Note: Hi bantuk hlasak zuamnak, financial policy cungah aa hngatmi voting account le marking system belte hi kan Khrihfabu chungah le civuipi tibantuk ah luhpi citcet loding si lai. Laksawng pekding kha aa zuammi hna hmangin cong kan thai ah cun thiamnak taktak kan thlau sual hnga. Credit: Herh Lian