Mah Duh Paoh Ram Vaimi Si Loin Chinram Ah Sehtan Ram A Bitter Mi Si Hna Usih: Thlaawr Bawihrin

Ahmasabik ah Bawipa a min ka thangthat. Chin miphun hi Khrifa kan si lawng siloin, kan phun hawi Khrih a zum rih lomi hna caah siaherhnak kan ngei cio. Ramthar kan tuan cio. A tha tuk. Tuanning cang, Strategy zoh than tu aherh. Inn 30 khua ah missionary pa 4 hna an um, inn 120 umnak ah Khrifa inn 80, zumlotu inn 40 umnak ah missionary 8 an um.

Missionary pa 1 nih inn 5 cio caah rian an tuan, a phu maw? Khua pakhat ah inn 62 an si, zumtu inn 60, zum lotu inn 2, missionary pa 7 an um. Zumlotu inn 2 caah missionary pa 7 thlah bantuk asi. Phaisa dih tluk, minung thazang dih tluk, sponsor cio nih va vehnak caah a dihmi tuak tikah aherhmi nak in tam tuk Phaisa a dih sual maw? Etcc ti hi kum 4 chung dothlat asi.

Khrih ram kauhnak caah, Chin miphun dihlak nih Jesuh cu Bawi asi’ tiah kan ti khawh dihnak hnga mission field angeimi vialte, theihthiamnak ngeih in a field le tuanning cang theihthiamnak (understanding) a um khawhnak hnga, United Chin Mission Network(UCMN) dirh a tha maw, a herh maw? tiah halnak a um tik ah “ ngeih a herh hrimhrim’ tiah kut thlir lawng hmanh in an lung asi lo, dir bu bak in UCMN ngeih a herh’ tiah an dirkamhnak hmuh tikah Bawipa cungah lawmh lo awk a tha lo.

Khrih pennak kauh ter rian hi a pik a pak, mah le duhsalam in ram a vaimi si loin Chin Khrihfa dihlak theihthiamnak” lungput he riantuan in Chinram ah sehtan pennak cu bi chin lengmang in Khrih pennak a kauh chin lengmang nak hnga Chin zumtu dihlak thlacam kan sawm hna. Bawipa nih a ram kauhnak rian siseh, Chin miphun le Chinram thluachuah pe chin ko seh.

Credit: Thlaawr Bawihrin