Corona virus/hrik kong a hlatcuahmahmi Tuluk Scientist nih COVID-19 hi hrik phundang ah aa thleng/mutated kho tiah an chim. Nain “thuk deuhpi in kan hlat rih a herh” tiah an phuan. Cubantuk in aa thleng duahmah khomi virus hna a si ahcun, a khamnak si/vaccine ser a har ngai lai. A khamnak pakhat an ser khawh ah, a phundang ah aa thleng manh lengmang lai tinak a si hnga. Mah virus cu a fim ngai hlah maw, ti ding phun khin a um.

Cucaah, mah Corona Virus hi “End Time Sign”/ caan donghnak hmelchunhnak hna a si sual hnga maw tiah lunghrinh dingin a um cang. Corona Virus in a thimi a ram in list zoh tikah China in aa thawh i, South Korea a phan. South Korea in Iran lei a kal i, Iran ah a thimi hi 291 an phan cang. Hlan lio ah US emnassy ah riantuantu pawl a rak tleiremh/hrenhkhumhtu hna lakah aa tel vemi ralbawipa zong a thah. Cun, Iran in tuhi Italy a phan i, sumilam 24 chung ah minung 168 in an thi i, tuhi a thimi dihlak 631 an phan cang. Italy cu China changtu ah an tla.

Corona Virus a karh a rang ning, ichawnhh a fawi ning, le a thimi an tam ning tuak tikah khuaruahhar lei khi a si. Cucaah, “Cun Tuufa nih cun cakhenh palinak kha a phoih i saram nung palinak nih, “Ra,” a ti kha ka theih. Ka hun zoh i rangrau diapduap pakhat ka hmuh. A cung i aa citmi cu a min ah Thihnak a si i Hell nih a hnulei in a zulh. Vawlei cung cheu li cheu khat uknak nawl kha pek an si i ral in siseh, mangṭam in siseh, rai in siseh, sahrang in siseh, mi thah khawhnak nawl kha pek an si.” Revelation 6:7-8

Jesuh nih “Seven Seals” lak ah 4nk cazual/cakhenh kha a awn/open caah a si hnga maw? Tulio Corona Virus nih vawleipi a hnin ning hi a ti tuk. Stock Market a tla viar tikah business lei thiam pawl nihcun, ” Recession” a chuahter khawh an ti. An thin a pahng ngai. Cucaah, business a tlak lonak ding caah Cozah lutlai/politicians hna nih biatak tein mizapi thinphang lo ding messages pek an izuam. Recession/chawlehnak tlaknak nih a von peh ahcun “mangttam” hna nih a von zulh khawh rihmi a si tikah COVID-19 nihhin minung million in thihnak a chuahter khawhmi a si. Asinain Jesuh a ngeimi caahcun thinphang ding a umn lo. Credit: Zasang Cinzah