Admin||04 Vaupi 25-2020|| Vawleicung ah US ram cu coronavirus a tambiknak le a thimi zong a tambiknak ram an si ko rih lio ah state cheukhat ah cun mipi nih an duhmi paoh an tuah thluahmah ko cang. President Trump zong nih a lungtlinlonak faak taktak in a langhter ko nain State Gov. nawlngeihnak in state cheukhat ah cun chawlehthalnak rak phih tawnmi cu an hun ṭhan cang hna. Georgia state ah cun gym, samriamnak (barbers), sam tuahtonak, tattoo parlors tibantuk pawl cu an hon ṭhan cang hna.

President Trump nih Georgia Gov. Brian Kemp zong na biakhiahnak cu ka lung a tling hrimhrim loh tiah a ti ko nain an hun ṭhiamṭhiam ko. Khatlei kam in Michigan Gov. retchen Whitmer zong nih Georgia Gov. Brian Kemp thil tuahmi cu alnak zeihmanh umlo in a lungtlinpi ve. Michigan state zong nih mipi dorhor deuh in an umter cang hna.

Hi bantuk in Georgia le Michigan hna ah rian ttuan a si lio ah New York state ah cun hi zawtnak ruang ah a thimi an tamning cu khuaruahhar a si rih. New York ah hi zawtnak in a thimi hi minung 16,000 bak an tling cang. Center for Systems Science and Engineering at Johns Hopkins University hna nih data an khawmhning in vawleicung ah hi zawtnak in a zawmi hi minung 2.7 million renglo bak an tling cang ti a si. Cu chung ah hi zawtnak ruang a thi cangmi hna hi minung 195,000 renglo bak an si cang tiah an chim. Ref: New York Post

Note: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Reference/Credit/Source ṭha tein kan pek peng lai. Cucaah thawngpang kan ṭialmi kan palhnak a um cun theihter khawh peng kan si. Chinworldnewsevening page ah le J Van Duh Thar ah pehtlaih khawh peng kan si. Mipi sinah thawngpang thlazamh na duhmi um cun kan i thlahzamh khawh piak ko.