Chinland_for_chin_lives: 𝐋𝐔𝐍𝐆𝐋𝐀𝐖𝐌𝐇 𝐋𝐀𝐍𝐆𝐇𝐓𝐄𝐑𝐍𝐀𝐊” Chinland Foundation rianṭuannak caah tiah phaisa 1,100,000/-MMK he thluachuah a kan hrawmhtu Salai Sui Bawi Bawitlung cungah kan lunglawmhnak kan langhter. Kan i lawm tuk.

Hi thluachuah an kan hrawmhmi hi atulio kan miphun le kan ram nih kan ton cuahmahmi pulrai ṭihnung dohnak le Ral ruang in tii le rawl, sii le aii harsak nak a tong mi hna, nunnak tampi chanhchauhnak caah bawmtu ṭha a si hrim lai tiah zumhnak kan ngei. Thluachuah a kan hrawmhtu Salai Sui Bawi Bawitlung Pathian nih thluachuahnak pe chin ko seh. 𝑳𝒂𝒘𝒎𝒉𝒏𝒂𝒌 𝒉𝒆 𝐂𝐡𝐢𝐧𝐥𝐚𝐧𝐝 𝐅𝐨𝐮𝐧𝐝𝐚𝐭𝐢𝐨𝐧

Thawngpang dang: ZAHNAKTLANG CHUNG AH CDF-THANTLANG BATTALION-4 (Zahnak Battalion) POLICE NIH HEROIN RITHAISI (No.4) AN TLAIH . CDF-Thantlang Battalion-4 (Zahnak Battalion) Police nih 5 August 2022, zaanlei 4:30 hrawng ah Thangzang le Ruakhua lampial Check Gate ah rithaisii (heroin-No.4) 150 gram cu, Fungkah khuami Pu Za Hup le Pu Van Za Ham hna sin in an tlaih.

Hi an tlaih mi rithaisi hi a tulio rithaisii market in kyats sing zahnih (20,000,000) man hrawng a si tiah ruahdamh a si. Hi rithaisii hi Kalay lei ah an lak i Mizoram Sangau ah pek ding in an kalpi lio ah Palik nih an tlaih mi a si. Hi hna hi cu hlan zong ah a rak tuah bal mi an si i anmah he a tuahṭi mi hawi dang siseh, an theihhngalh mi rithaisii zuar dang zong Zahnaktlang chung ah an um rih tiah theih a si.

Hi tlaih mi Pu Za Hup le Pu Van Za Ham hna hi CDF-Thantlang, Battalion-4 Biaceih Zung (Department of Judiciary) nih an bia a ceih hna lai i aa tlak ning in sualphawtnak le dantatnak tuah ding ah timhlamh cuahmah lio a si, tiah theih a si.