Thawngpang ṭha tuk kan vun theih ṭhan ee. Rev. Dr. Van Ram Uk nupi Sa Lian Kai cu sizung in a chuak cang ti thawng kan theih. Kanmah le kan umnak hmun cio in thlacamnak in bawm cio hna rih na usih. Zeidang thil in kan bawmh hna lo hmanh ah damnak tlamtling a hmuhnak hnga thlacamnak tel in bawm cio hna usih.

Rev. Dr. Van Ram Uk nupi kong he pehtlai in Nu Par timi nih hitihin a facebook cahmiah a tarlangh “Haleluijah. Ka Nu Sa Lian Kai(Rev.Dr.Van Ram Uk Nupi) zong nizan in inn ah a tin ve cang. An zapi tein an thawng rih hna lo caah thlacam piak an herh rih ko, eidin tha pek an hau caah nan siaherh cio ahcun voikhat sanpioh ei nak zong nan kuat khawh cio hna. Keimah siaherh bia mu,”. Credit: Nu Par

Thawngpang thar rak rel chih: Democrats Nih House Ah Chuahpi An Timhmi Bill. US house ah Speaker Nancy Pelosi hruaimi, Democrats party nih coronavirus bawmhnak caah 3 trillion dih dingin bill thar chuahpi an timh. Mah chung ah 1 trillion cu State, city le local government, essential worker le stimulus check caah hman a si lai an ti.

Nupi/va ngei lomi minung pakhat ah $1200 a si rih lai. Inchungkhar khuasa mi caah $6000 pek a si lai. In ngeimi mortgages le Inn hlangmi inn man caah $ 175 billion hman a si lai. US$ 75 billion cu virus testing tuahnak caah hman a si lai.

Democrats pawl nih chuahpi an timhmi bill cu a ra laimi Friday ah House ah an chuahpi lai. House ah hin an pass khawh men. House nih an pass hnu ah Senate ah chuahpi than a si lai. Asinain an pass lai zumh a um lo. US nih leiba a ngeimi a tam tuk cang caah Republican senator hna nih an pass lai zumh a um lo. Asinain house he compromise tuah in zeimawzet bawmhnak cu an ruah lai ka zumh. Salai Lairamthang