Lunglawmhnak Thawng|Chinram CDM a Um Chung Paoh kan Bawmh Hna Lai tiah US CCBC nih Thawngthanhnak A Tuah

Chin News
Chinram CDM a Um Chung Paoh kan Bawmh Hna Lai tiah US CCBC nih Thawngthanh. US ram, Winconsin State, Milwaukee khua ah a ummi Carson Chin Baptist Church (CCBC) nih Chinram ah CDN an tuah chung paoh bawmh khawh kan i zuam hna lai, tiah thawngthanhnak an tuah.
May be an image of 3 people and people sitting
“Carson Chin Baptist Church, MILWAUKEE, USA nih avoi (1)nak caah Dollar $20000 (Thong kul) bawmh ding in bia khiahnak tuah a si. Cun, Chungtel hna inn khat ah $100 in thawhvo tuk a si chih. Adihlak ah $30000 (Thong Sawmthum) leng asi lai,” tiah an langhter.
A cunglei $30,000 (42,160,000 MMK) hi a voi khatnak lawng a si rih i, Chinram CDM a um chung paoh bawmh kan i zuam hna lai tiah an langhter.Source: The Chin Journal

Thawngpang dang: Ralkap nih thahrum in uknak an lak ruangah Myanmar ram mipi cu thinlung kekkuai in an doh cuahmah lio caan asi. A lam kipin mah le thil ti kho nak cio in cawlcangh asi. Cu lak ah Chin miphun chung in mah le thimnak aa dang ngaingai mi pahnih an rak chuak ve.

May be an image of 1 person and text

Pakhat cu Dr. Andrew Salai Ngun Cung Lian asi. A nih hi ram le miphun caah tiah CNF ah pumpek in rian a rak ṭuan bal. Cun CNF in a chuak i President Thein Sein chan ah Myanmar remdaihnak he pehtlai in cozah le kap in rian a rak ṭuan bal mi asi. Atu cu Ralkap nih thahrum in uknak an lak hnu ah ser mi State Administration Council Chairman ruahnak petu lak ah pakhat asi ve.

May be an image of 1 person and textA dang pakhat cu February 22 ah CRPH nih UN lei pehtlaih ding in ṭuanvo pek mi palai, Dr. Sa Sa asi. Chin ram ṭhanchonak caah caan saupi a rak ṭuan leng ah 2020 General Election lio NLD teinak ding cawlcang tu bu chungtel pakhat zong asi. CRPH cu 2020 General Election lio ah teinak cotu Pyidaungsu Hluttaw palai pawl aiawh tu bu asi. Source:Chin Cable Network Channel

Tuzing thawngpang: Pension Chuah Rih Lo Ding in CDM a Tuahmi nih an Nawl nain an Chuah Thotho. Pension a eimi Hakha khuanu khuapa hna nih acozah bank ah pension chuah loin rak kan umpiak rih u tiah CDM a tuahmi bank riantuantu pawl nih nawlnak le thawngthanhnak an tuah nain nihin zinglei Myanmar Economic Bank ah pension a chuahtu an tam ngai thotho.

May be an image of one or more people and people standing

Hakha khua i Myanmar Economic Bank (Ramkulh le Hakha District) rianttuanut tam deuh CDM an tuah nain rianttuantu minung 15 hrawng zung a kaimi an um rih, tiah kan theih. Source: The Chin Journal (Photo: Chin World)

Tuzing Thawngpang: Rev. NC Thawng Tha Thang hruainak in MCYA mino 5000 renglo nih Ralkap uknak duhlo lamzawh. Yangon khualipi ah Rev. NC Thawng Tha Thang hruainak in Myanmar Christian Youth Alliance (MCYA) mino 5000 renglo nih 22-2-2021 ah Ralkap uknak duhlo langhter in lam an zawh, tiah kan theih.

May be an image of 3 people, people standing and outdoors

“Atu MCYA hi keimah nih ka hruai hna lio a si. Myanmar ramchung um Khrihfabu kip aa fonh mi Mino Bu pakhat a si. Nihin hi Myanmar Plazza in US Embassy tiang lam kan zawh lai ka ti nain, US ralkap an phiat ruang ah Singapore Embassy lei tu ah kan kal. US Embassy zong lam an hon bak in kan pehzulh than lai. Ca kan chiah mi zong leh ding in bia an kan tiam cang,” tiah Rev. NC Thawng Tha Thang nih The Hakha Times ah a chim.

May be an image of 3 people, people standing and outdoors
A peh rih mi cu, “Pathian cu dinfelnak a tanh mi a si. Min Aung Hlaing nih nawlngeihnak a fir in a fir mi le dinlonak in a tuah mi thil cu mizapi nih kan hmuh ko ca ah kan doh ngam cio awk a si. Bible chung zong ah CDM a tuah mi tampi kan hmuh ko hna. Amah belte, Cozah riantuantu ca ahcun challenge a kan tuahtu taktak a si lai i an ca ah a har ngaingai ko lai. Asinain, anmah Cozah riantuantu hna hi kan bochan bik mi an si ko i mizapi zong nih dirpi peng hna usih,” ti zong a chim fawn.

May be an image of one or more people, people standing and road
Tutan Ralkap nih nawlngeihnak a laak a voi 3nak, Myanmar ramchung ah Khrihfa Biaknaklei upa hna, mino hna, Kawl biaknak, siseh, biaknak dangdang, Ramkheel party le Ramriantuan (politicians) hna lawng si loin, a bik in Cozah riantuantu le rammi mizapi nih lungrual taktak in CDM cawlcanghnak ah an luut hna. Source: The Hakha Times

_____

Copyright © Chin World News Evening

Leave a Reply