Lunglawmhnak Thawng: Tiphul Khua Nih CNA/F Caah $51,500 Bak An Pek

Chin News

North America um Hakha peng Tiphul khua  nih CNA/F caah $51,500 an pek chanh. Cun Hakha peng tthiam Global Zathal khua nih  CNF/A caah $15,000   an pek tiah kan theih!! Tiphul khua le Zathal khua Bawipa nih thluachuahza in sawmh ko hna sehlaw. By William

Thawngpang dang: Gangaw Peng Myint Thar Dam SAC Ralkap Sakhan Cu Chin Hriamtlai Phu Nih An Laak. Magway ramṭhen, Gangaw peng um Myint Thar Dam SAC ralkap sakhan cu nizan December 22 zinglei ah Chin hriamtlai phu nih an laak, tiah theih a si.

Myin Thar Dam um SAC ralkap pawl cu Gangaw hrambunh Khah Lah Yah 50 an si i an sakhan cu ZZLMS; CDF-Mindat, CNDF, CDF-KKG le PDF hna i bawm in an kah i an laak. Sakhan in a zaammi SAC ralkap pawl zong an dawi hna, tiah theih a si.

Myint Thar Dam SAC ralkap sakhan kahdohnak ah SAC ralkap Fighter pathum nih bomb an thlak pinah sakhan chung um ralkap nih hriamngan an kah i, Chin hriamtlai phu lei in hliamhma pumi an umnak kong CDF – KKG he naihniam in a ummi pakhat nih a chim.

Myint Thar Dam kahdohnak ah CDF Mindat in rallam hruaitu pakhat a nunnak a liam, tiah theih a si. Myint Thar Dam um SAC ralkap hi kum khat leng chung umhmun an khuar cang i Gangaw khua chung ah motor in ral an va ven tawnnak kong tualchung mi hna nih an chim.

Leave a Reply