Atu lio online media ah thawngpangchia ngaihchitnak thawngpang tampi a um lioah a tu bantukin lawmhnak thawngpang ttha taktak kan vun theih hi cu lung a hmui hringhran ko. Cucu zeidah a si tiah cun aho paoh nih kan theih dihmi nizan ah Hakha peng Tiphul khuami kum 18 nute cu a tu lio pulrai zawtnak Covid-19 positive a si tiah Kawlram ngandamnak zung nih official tein thanhnak an tuah. Cu caah ramchung ramleng ummi Chinmi vialte kan lau dih i, kan far nu te cu kan zaangfak cio i amah pumpak facebook cahmai ah maw siloah, kan far nute facebook cahmaiah hnemhnak bia kan chim cio hna.

Asinain cu bantuk thil a hung um lioah Australia, Melbourne khuasa mi Laimi tampi kan theih ciomi Olivia Nu Cinzah ṭhihruainak in Covid-19 positive a simi Hakha sizungah an zohkhenh liomi kan fa kan nau caah tiin bawmhnak an tuah piak. Lawmh a um tuk hringhran. Cu Olivia Nu Cinzah ṭhihruainak in bawmhnak an tuahmi cu a dihlak in $540 a chuak cang.

Zohchun tlak taktak an si. Mipi nih thei hna u sih ti ka duhmi cu hi bawmhnak an tuahmi hi aho nih fialmi le zei bantuk organization phu hmanh nih tuahmi a si lo. Australia, Melbourne ah a ummi Olivia Nu Cinzah ṭhihruainak in tuahmi a si. Cun hi bawmhnak a tuhi atu lawngin an thokmi a si i bawmhnak a pe duhmi kan um ve sual ahcun Olivia Nu Cinzah timi rak hmehpiak law pehtlaih khawh a si.

A tu bantukin kan far zawnruahnak he bawmhnak a petu nan diklak cungah lunglawmhnak tampi kan ngei. Cun, bawmhnak a kan tuahpiaktu Olivia Nu Cinzah cung hrimhrim ah lunglawmhnak ngapi kan ngei. Hibantuk in midang zawnruahnak le bawmh duhnak thinlung, lungput le ruahnak a ngeihmi hi aho hmanh nih philh hna hlah usih law i cawn cio hna usih! Pathian tu nih a let za in thluachuahnak pe hram ko hna seh!

Olivia Nu Cinzah: Halkha kan nau nute caah $ Atho mi
1. Alex BT Cinzah $50. 2. Ngun Tha Thihlum $50. 3. Maw Li $40. 4. Tluangza Kingbawl $50. 5. Olivia Nu CinZah $50. 6. Hlah khin $20. 7. Pahup Mualheih $50. 8. Jeremiah Thlaceu $60. 9. Minlo $100. 10. Chin Chin $30. 11. Thawng Hmun $20. 12. Minlo $20
Mahzat tehi kan thawhkhawh mi si le Nanthin lung aum cun rakchap cio ulaw tuzarh chungah kan kuat hna lai Petu nandih lak cungah kan ilawm (Olivia Nu Cinzah)

Admin hmurka: Hihi kanmah nih kan tialmi a si. Bawmhnak a tuahtu kan u nu Olivia Nu Cinzah siannak in kan thlahmi a si. Pumpak in bawmhnak apekmi atial chih caah kan rak langhter chih ve. Olivia Nu Cinzah timi facebookzong ah zohchih khawh a si. Cun hmanthlak zong hi amah siannak in ka tarmi a si. Kan farnu kan langhter chihnak a ruang cu bawmhnak apekmi a si caah a si. Zeidang ruangah a si lo. Bawmhnak a petu vailte Pathian nih a letza in thlauchuahnak in pe ko hna seh!