Malaysia Um Hriphi Khuami hna sinah Lunglawmhnak. CRC riantuannak caah Malaysia um Hriphi khuami nih RM. 700 an rak hlut. Lunglawmhnak chim cawk lo kan nei. Khuakhang laireltu upa hna le pechantu khuami nan dihlak upatnak kan pek hna. Bawipa tu nih thluachuah za in pe chin ko hna seh. Lawmhnak tampi he. CRC

Hi bantukin miphun le ram caah bawmhnak a hlutu Hriphi khuami hna cungah lunglawmhnak kan tampi kan ngei. CRC hi Chin ralzaam caah biatak tein rianṭuanmi an si tikah kan dawt hna awk hrimhrim a si. An ngeih hlei ruangah an pekmi si loin miphun dawtnak thinlung he hi bantukin bawmhnak an pek hna hi a si i lawmh a tuk hringhran.

Thawngpang rak rel chih: Naihrawng Malaysia Online in UN soknak rak tuah mi kha auh mi an um ngai cang ti a si. Interview tuah tik le case tuah tikah thiam ngai a hau rua tiin ka ruah. Biahal mi tete leh thiam ngai a hau lai ka ti. A ruang cu kannih Chin state hi Paletwa myone dah ti lo cu a him dih ko caah bia chim zia cu thiam a hau bak lai. Cun, UN interview tuah tikah tihnak a pelte hmanh ngeih lo ding. Thinphan bak lo ding.

Zapi zaran cu UN nih nan ram sining cu kan theih dih ko an kan ti tikah khin an theih dih tak rua tiin kan ruah le biachim kan i harh tuk tawn. A ngaingai ti ahcun an theihmi tham cu tlawmpal te lawng a si. An thei huaha lo. An mah nak in kanmah nih kan ram sining cu kan theih deuh. Zeitluk lih na chim zong ah na chimmi kha na chim ning tein an tial ding le na chim ning in na kong ceih ding a si ko caah tih bak lo ding.

RSD Interview ahhin a biapi cemmi cu ” Kawlram ah kir law zeitindah na um lai?” timi te khi a si rua tiah ka ruah. Mahhi kaa zawn te ahhin bialeh zia thimbik a hau in ka thei. Tlunnak ka ngei lo, inn le lo zong ka ngei lo i umnak zong ka ngei ti lo ti kha mi tam deuh nan bialehnak a si tawn. Mah bantuk khan cun a si deuh vak lai lo. Na case vial ah ralkap nih cuti kha tin an ka ti na fawn. Kir ding ah le inn lo ka ngei lo, umnak ka ngei lo ti bantuk in na leh mi hna kha sullam ngei lo a si. Na case ning te khan let ko hna. Ralkap nih an ka tlaih lai tibantuk in leh ding an si ko.

Na chung le, na nulepa kong kha an in hal tikah Kawlram ah an um ko, kan i chawn kho ko. Kan i pehtlai kho ko tiin chim bak lo ding. Malay ka van ratnak in nihin tiang an thawngpang ka thei lo, khoika an um zong ka thei lo tiin leh lo si le Mizoram ah an um tibantuk in leh ahhin a tha bik lai tiin ka ruah. Siaherhnak he. Andrew Tum Tling