A poi taktak tu lio Laimi chungin khua khat nih khua dang mi va velh ti bantuk hi a karh ngaingai tikah biatak tein kan i ralrin a hau. Mualpho dirhmun tiang a phan mi kan tlawm ti lo. Tutan zong Lungkhin Khua mi nih kan naupa an velh tiin Bawilian Hmung nih a lung tthat lonak cu a tanglei bantukin a langhter.

Bawilian Hmung: Lungkhing khua mi nih Kanau pa an ra velh. a velh tu pawl an min ka thei lo caah lungkhua mi ti ka tial lai. an khua vialte in an si ka ti duh nak a si lo. Kan laitlang ram Cheukhat kan hmur ka in cu Khrih a fa cu kan i ti ko na in Khrih a ral peng mi kan tam pi ngai.

Kan mah le kan mah i hlan hlah usih. Khrih nih a kan cawn piak mi kha dawtnak a si lo maw ? Khrih a fa na si ah cun Khrih bia bang in nung khawh i zuam usih. Bawi Khrih min in kan sawm hna. Ka thin a hun ruang ah ka tar mi a si lo. Nun i remhnak caah a si kalawm

Relchih>>>>>𝐄𝐥𝐞𝐜𝐭𝐨𝐫𝐚𝐥 𝐂𝐥𝐢𝐞𝐧𝐭𝐞𝐥𝐢𝐬𝐦: Thimfung pek ruangah bawmh le bawmh ruangah thimfung pek: A ngan a dammi democracy ramah biatak tein mipi nih an dohmi le an hrialmi cu “electoral-clientelism timi” thimfung pek ruangah bawmh “or” bawmh ruangah thimfung pek timi zikhnawh-eihmur phunkhat hi asi. Hi bantuk zikhnawh-eihmur an dohnak le an duh lonak a ruang tampi a um. Tampi lakah theih a herh ka timi tlawmpal ka lanhter lai.

1. Democracy phung a buar ruangah doh asi. Democracy ukphung cu zalong tein hrawitu thim khawhnak le mifim-mihrut, sifak-mirum minak-mirang, cathiam-thiam lo tbk thleidannak um loin thimmi a cozah nih rual tein mipi le ram tthanak caah rianttuan asi. Thimfung pek zong pek lo zongah cozah asi mi nih mipi tthatnak kha raul tein tuah asi. Nain electoral-clientelism nih kha democracy phung kha a buar.

2. Mipi tangka “public fund” kha pumpak miaknak le nawl ngeihnak caah hman asi ruangah democracy phung he a kalh i zikhnawh-eihmur nganpi asi tiah doh asi. Candidate nih mipi tangka “public fund” hmang in pumpak miaknak kawl a ngah lo. Hi bantuk zikhnawh-eihmur ruangah Indonesia hluttaw-chair Setya Novanto kum 15 thongthlak asi. A cheukhat ramah cozah nih tthanchonak a tuahmi “lam siizung mei tbk” phunh-puai ah cozah lutlai pawl “ministers tbk” kal a ngah lo.

3. Electoral-clientelism timi zikhnawh-eihmur nih tthanchonak a dawnkhan ruangah doh asi. Tcn- India- Philippine- Indonesia tbk pawl democracy ram ansi nain an tthancho lonak a ruang nganbik hi electoral – clientelism timi zikhnawh-eihmur a tamtuk ruangah asi tiah mifim tampi nih an chim. Thimfung petu calongah tthanchonak tbk tuah asi tikah sifak le mirum thleidannak a nganter chin. Cu ruangah Indonesia a cozah nih Anti-corruption Commission “KPK” timi zikhnawh-eihmur dohnakbuu a ser i biatak tein dohnak an tuah. A cozah lutlai pawl phone chawnh mi vialte hmanh thli tein ngai khawhnak nawl tiang KPK nih a ngei i cu ti cun eihmur kha doh asi. Credit: Rual Lian Thang