Lungfak A Tuk Hringhran Mizoram Ah Nausem An Hlonh A Ruak In An Char Asi I

Hi thawngpang ka theih cu ka lau ko. Khrihfa zumtu ram ah hiti bantuk thawngpang hna kan theihmi hi cu ruah awk a um ngaingai tiah ka ruah. A poi kho taktak, amin men in Khrihfa si hi ttihnung ngaimi asi. Zumlotu ram i a va sual hmanh ah a ruah awk khi a um deuh hnga. Nain zumtu Khrihfa ram bak i, a tubantuk thil a hung ummi hi cu ngaihchia taktak khi asi.

Nizaan August 4-2019 zinglei na zi 5 le 6 hrawnghrang ah mizoram Mission Venthlang, Khatla roas, Laingthangpuii motor service pawng i lampi ah nausem chuak mi a ruak in char asi. Ngaih a chia in lung a fak khun ko mu. Hi nausem te a ruak an hmuhnak hmun hi side-drain pawng i, metal road ah asi tiah kan theih.

Hi nausem a hmu hmasattu hna nih Kulikawn Palik Station an chawnh cawlh hna i, nausem ruak cu an rak buaipi colh ve. Palik nih a herh ning in hlathlainak (investigation) an tuah colh ve. Mission Venthlang YMA nih cun nausem ruak cu an lak i, Mssion Vengthlang thlanmual ah Upa C.Vanlalhruaia nih nizaan ah khan zaalei sang nazi 2:00 ruak vuinak caan hmangin ruak vuinak an tuah.