Lung A Ttha Hrim Lo! Siibawi Pakhat Kan Sung Tthan. A Thih Lai Ah A Chim Ta Mi

Myanmar News

Nihin kanram dirhmun cu thinphang taktak khi si cang ko mu! Kan biak Pathian tu nih kan kil veng in kan venghim ko seh. Sibawi pakhat kan sung than. Ralkap nih nihin ah sibawi cawng liomi pa Mino te an kah that. Mipa amin ah Khant Nyar Hein ti a si. A kum hi fiangfai in an thei rih lo nain 18-19 hrawng si dawh in an zumh.

May be an image of one or more people and text

An kahnak hi Yangon khua chung Tamwe ah a si. A thih hlan teah a fb cung in R2P page ah R2P a rak I bochannak le ruahchannak a rak ngeihnak ca tlangkhat a tial. Cucu zeidah si ti cun,” ruahchannak pakhat te lawng kan ngei cang tiah a ti. A chim duhimi cu R2P lawng hi kan I ruahchanmi a si tinak khi a si. By Saya Tluang Ceu Thang

Relchih: Committee Representing Pyidaungsu Hluttaw “CRPH” nih Kawlram mipi dihlak si ah thawngthanhnak, theihternak le Order puitling taktak a chuah ko cang. Hi thawngthanhnak hi Kawlram mipi dihlak nih an hngah peng mi an i ngaih taktak mi zong a si fawn. Nihin thawngthanhnak ah “Ralkap cu Rampi rungvengtu an si lo. Ralhrang an si tiah kan rak thanh cang.

Cucaah Myanmar mipi Cozah minung an si ti lo. Ralhrang kut in nan him khawhnak ding ah siseh. Ralhrang kut in Ram mipi kan him khawhnak ding ah siseh. Ram mipi dihlak nih i runven khawhnak nawl nan ngei cang. Nihin thawk in Kawlram mipi dihlak nih kut zo khawhnak nawl nan ngei ve cang” tiah thawngthanhnak an tuah hi asi.

CRPH nih a tu bantuk in thawngthanhnak a tuah cang caah Ram mipi dihlak nih Police le Ralkap cung ah an kut an thlak khawh ve cang. Ram mipi le ralkap i dohnak caan cu official in an phuan bantuk a si cang caah nihin thok in Ram chung ah Civil War puitling aa thok cang ti khawh asi.

Hramhram in ram mipi uknak a chut tu ralkap cu ralhrang phu an si tiah CRPH nih official in thawngthanhnak a tuah cang mi nan theih cio. Cucaah kakn ralkap si ti loin Ralhrang an si cang. Minung pakhat nunnak venhimnak- Khua le ram venhimnak rian ah siseh zalon tein ram  mipi nih i runvennak nawl nan ngei cang. Ralhrang kut in i rungven cang uh timi hi an thawngthanhnak bik cu asi. Credit: V.O.M Journal

Leave a Reply