Apoituk tipin cun chim ding dang a um ti lo ee. Kawlralkap nih Chin pa pakhat an thah i Inn (5) an hrawh dih hoi.Nizaan March 30, 2020 ah khan Rakhine ramkulh Chin miphun pawl khuasaknak Minpya pengkulh khuate ah Vanlawng in Bomb an thlak ruang ah Chin pa pakhat a nunnak a liam i inn (5) zong a rawk dih tiah theih a si.

Tutan ah a cangmi kong he pehtlai in Natchaung khuami pakhat nih “Nizaan zaanlei suimilam 5:30pm hrawng ah Kawl ralkap nih Vanlawng in Bomb an rak thlak hi a si. Khuami cu thinphang taktak in kan um ko hna. Raldohnak hmunpi chung ah a um mi kan si ko hna. Tulio Covid 19 zawtnak kan tih pin ah raldohnak le Kawl ralkap Bomb le meithal ruang ah thinphang in kan um ko hna” tiah a chim.Kawl ralkap nih Bomb an thlaknak hi Chin miphun pawl khua an saknak a si.

Inn dawng (170) tluk khuasak nak hmun a si i Vanlawng pahnih bak in minung 15 chung hrawng Bomb an rak thlak hi a si tiah khuami nih cun an chim.Kawl ralkap Bomb thlaknak ruang ah a thi mi hi kum(50) upa, Chin miphun a si, cun inn (5) hrawng cu Bomb nih ciam dihlak in a khen chap ti a si.Source.CW