By Pasal Tha

Thantlang Um Khuanu/pa 105,000,000 (Ting thongkhat le Ting zanga) an sung Tu lio cu Covid-19 ruang ah laitlang chim lo, vawlei pi hmanh chawlehthalnak ah a sung tuk lio a si. Cu lak ah, Thantlang cu Vok pulrai a tlung ciamman i, nihin tiang ah vok 300 hrawng an thi cang. Buaktlak in Vok khat ah 350,000 in tuak ah cun 105,000,000 hrawng an sung cang ti nak a si.

Hi voknak hi thli in a kal mi si dawh dang a si. An zawt le an thih hi ai hlat tuk lem lo. Rawl an van ei duh lo, nihnih-thum ah cun an thi colh ko. Cucaah, Thantlang khuate pawl, nan vok hi, hi zawtnak rai nih a kan phan lai lo, tiah chim khawh a si lo. Nanmah te in i thah uh law, ei uh law, cucu a hlawt deuh mi si lai tiah, ruahnak kan cheuh hna.

Photo credit: Vanleng Mang

Thawngpang dang rak rel chih.

By Salai Lairamthang

NASA le Spacex company pahnih ibawm in thlah an timhmi, Falcon 9 Rocket cu, Florida state, NASA’s Kennedy Space Center in tu zanlei sumilam 4:33pm ah an thlah cang lai. American space heroes Robert Behnken le Douglas Hurley nih an mongh lai. Vawlei in meng 250 a sannak international space station tiang an kal lai i, sumilam 24 an rau lai. Atu thlah an timhnak hmun i, thlapa cungah ah an rak thlahmi, Apollo 11 thlahnak hmun in a si lai. 2011 hnu ah US nih International space station ah an kai hmasa bikmi a si lai.

NASA nih vanlei ah hlathlai dingin mission project an ngei i, – dubbed Demo-2 – timi zong an ser cuahmah lio a si i, thlapa le mars ah kal ding in timhtuahnak an ngeih rih. President Trump nih election campaign lio tein Space mission kan thawk than lai” tiah a chimmi kha a tak in an tuan chuahmi a si.President Trump zong Rocket thlah lio va zoh dingah NASA Kennedy Space Center a phan cang.

International Space Station [ ISS] ah hin rocket tampi an phan i hmunhma an laak nak hmun a si. Mah ka cun van le vawlei sining le science lei sining vialte an hlathlainak sakhan pakhat asi. Ram tempi nih international Space Station ah hin vawlei le van hlat hlainak caah an herhmi thilri vialte an i chiahnak hmun a si.