Sangaing ramṭhen, Kalaymyo peng Hmunlai Thingunau khua ah ah kum 9 faphir unau hna cu an pa ei Pu Lalhmuliana nih a tlaihhrem hna tiah kan thawng theih.

An paei Pu Lalhmuliana (kum 32) nih a nupi fale faphir unau hna cu a nupi um lo kar 2019 thawkin voi tampi a tlaihhrem lengmang tawn hna. Unau faphir hna nih hi bantukin an paei Pu Lalhmuliana nih a tlaihhremmi hna cu an paei an ṭih ruangah an chim ngam loh.

Hi kong he pehtlai in Dingdi Nubu in Pi Malsawmi nih a chimmi cu,“ An paei a nupi um lo kar 2019 thawkin voi tampi a tlaihhrem lengmang tawn hna. Tu kum July thla chung lawngah cu kong cu kan theih i palek sinah report kan tuah,”tiah Dingdi Nubu in Pi Malsawmi nih cun a chim.

Cu ti an pasal nih a fale faphir unau hna a tlaihhrem lengmang timi cu July 14, 2020 ah a theih i a rannak in Kalaymyo palik sinah report a tuah colh. Cu ti a nupi nih palek sinah a tuahmi cu theih in Pu Lalhmuliana cu a zaam colh. Asinain July 15 ah Tamu peng, Khampat khua ah an tlaih khawh.

“An paei nih a tlaihhrem hnanak hi a sau tuk cang caah faphir unau nih a caan fiangte in an chim kho lo. An nu hi mi inn ah thiam a takmi a si. An paei nih a tlaihhrem hna ti kan theih hmasatbiknak cu faphir unau hna ka pa nih kha ti khan an ti kha tiin bia an i al lio cu an chimmi bia cu an pate nih a theih. An pate nih thil sining a hal hna tikah an pa ei nih a tlaihhrem hna cu an theih,” tiah Pi Malsawmi nih cun a chim chap hi a si.

Kum tlinglo faphir unau a tlaihhremtu Pu Lalhmuliana cu Kalaymyo palek nih Upadi ningte in pukmah Dal 377 in case a tuahpiak tiah Khonumthung nih a tarlangh. Chirhchan: Upper Chindwin Youth Network/Khonumthung

Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Reference/Credit/Source ṭha tein kan pek peng lai. Asinain minung kan ti cu tlamtlin lonak tete zong a kho mi a si caah thawngpang kan ṭialmi kan palhnak a um cun theihter khawh peng kan si. Cun, pehtlaihnak tuah duhmi nih Chinworldnewsevening page ah silole J Vanduhthar Lahnin timi Facebook ah pehtlaih khawh peng kan si. Mipi sinah thawngpang thlazamh na duhmi um cun zeitik caan paoh kan i thlahzamh piak khawh zungzal hna. Upatnak he-Admin