LMZ STATEMENT LE COZAH LAM BUDGET KONG. Nizan i Hmongtlang khuami nih lam remhnak kongah a rami pawl kham ansi caah LMZ statement/Cathanh anchuah {atang ah ka thil chih} ). Fimthiamnak a cawng liomi buu pakhat asi mi nih Khua pakhat asi mi cungah hman hngading biafang le hman hnga loding biafang thleidan lo in catial le tulio a buaimi thil sining kong ah dikthlir in hlathlainak le hngalhfiannak umlo in cathanh/statement chuah cu ruahnak puitling asi loh.

Cucahcun tutan buainak a sining tak le ca um tuning kong fianternak ka hun tuah. Chin ram cozah nih lam le sul siamremhnak ding caah 2019-2020 Phaisa tlang a suaimi ah Leitak le Hmongtlang karlak {tulio a buainak hmun ca asi lo} hman cuahmah mi lam remhnak le hlei donhnak caah Budget a hun thlak {a tang ah hmanthlak ka thil chih}. Cu phaisa cu Lam hlun pemhnak le remhnak silo in hman cuahmah mi lam a rawkmi remhnak asi.

Tulio Hmongtlang nih an dohmi cu Phaikhua/Anhmong va le Hmongtlang khua karlak i Hmongtlang pawcawmhnak Lei a hrawk khotu le cu Lei tilak a hrawk khotu lam kha tuah loding tikhi asi. Cucu hngalhfian loin le thil sining dothlat le zohfiannak umlo in minung pakhat hnih nih tawsawh le vihkhoihnak menmen ah aa hlok mi si hi ningzak ngai asi.

Taktak tiko ahcun Chin ramthen cozah nih tulio Hmongtlang nih an dohmi lam sernak budget hi fangkhat tiah fangkhat hmanh a peknak a umlo. A um a timi nanum ahcun hun ka hmuhsak tuah uh. Mah duhmi siter duhah midang tiang buaiter tu si hi ziaza thalo asi.

Cucahcun; 1.LMZ kan nau le hna thil sining hngalh huaha loin statement nan chuahmi hi fimnak a ngeimi riantuan ning asi loh. 2.Chin ramthen cozah nih tulio Hmongtlang nih a doh mi Anhmong va in Hmongtlang khuataw tiang remhnak Budget a suaimi silo in Hmongtlang khuataw in Leitak kar a kal mi lam/ hman cuahmah mi lam remhnak ca longah a suaimi budget asi.

3. Lam le sul rem seh law a phei tein kalseh ti nanduh taktak ahcun 1960 lio in kan pa le Lautu-Mara-Zophei nih an rak cawhmi lam ရှင်းလက်ဝ လမ်း {Hmongtlang khuachung in -Sianginn thlang in- tulio a buai cuahmah nak Thirinn tlang i ပြည်ထောင်စု လမ်း ah a vai i fonh mi lam aum. Nanduh taktak ahcun Cozah Budget haulo in Hmongtlang khuami thazang in kan in remhpiak hnalai.Cucahcun thil hi dawhcah lo le diklo in riantuan timh le khuakhan hi mah mual i phoh asi. Credit: ‎Peng Hlawnceu‎