Liverpool Nih Kan Season An Kan Hrawh Dih-Lionel Messi

Sport

Liverpool Nih Kan Season An Kan Hrawh Dih-Lionel Messi

Barcelona captain Lionel Messi nih tukum season hi hlawhtling ngaiin a hmang ko kan ti nain Liverpool an tei lomi nih khan Barcelona min tthatnak vialte cu a khuh tthan dih, tiin a chim.

Barcelona hi Copa del Rey final chuih dingin timtuahnak an ngaih lio a si. La Liga title an lak cang i, tuzan ah Valencia he final an chuih lai i, teinak an hmuh ahcun Spain ramchung ah trophy lian pahnih an lak khawh lai. Tuan zongah La Liga le Copa del Rey title hi season khat chungah an rak bal cang.

An ramchung ah an cawlcangh ning a ttha ngai ti lo ah Barcelona cu Champions League final an luh khawh lo pin ah kum hnih chung mualpho taktak in an tla fawn. Barcelona hi kan hnu kum season ah Roma nih quarter-final-ah mualpho in an rak lehthal hna i, tu kum zongah Liverpool nih semi-final ah mualpho taktak in an lehthal fawn hna.

Related image

Hi kongah Lionel Messi a chim mi cu Liverpool he kan puai chim lo ahcun captain ka si a voikhatnak ah season ttha kan hmang, nain Liverpool he kan puai nih khan kumkhat chung kan cawlcangh tthatnak vialte a hrawh in a khuh dih,”tiah a chim.

Mah kan puai kha ka zoh tthan ti lo nain Roma he kan puai lio he aa khat in ka theih, anmah nak in kan chuih ning ttha deuh nain kawl an rak thun. Kawl an thun mi cham tthan dingin i tim hmanh usihlaw Liverpool nih kawl an rak thun tthan tikah thun kho ti lo dingin kan chuih pi kho ti hna lo.

A poibik ka timi cu ttha tein kan chuih pi khawh hna lomi kha a si i, Liverpool nih an kan khuh dih cang. Champions dingin kan chuih i kan tlak tikah a poi ti pin cun chim ding um ti lo. Kan tlak ruangah a poi kan ti. Cun kan tlak ning kha a faktuk kan ti, Cu pin ah hi bantuk kan canter mi kha a fak kan ti fawn.

Leave a Reply