Myanmar lemcangthiam minthang taktak a rak simi ngakchia tiang hmanh nih an rak theih i an uarmi Nandar Hlaing cu Mynamar Idol Season 4 zuamnak ai zuam vemi Chinpa Benjamin Sum Idol i a zuam a hmun tikah a uar ngaingai i Idol a dih hnuah a um sawhsawh kho ve ti lo Benjamin Sum he caan hmannak a ngei lai tiah theih a si.

Nandar Hlaing cu Benjamin Sum ttanh ngaingai tu pakhat asi. Benjamin Sum nih hla a vun sak cang ah hin a um thiam lo ti a si. Benjamin Sum a uar ngai khawhning mipi theih in a au len ve. Tutan Benjamin Sum he Mandalay khuapi i caan an hmang tti lai i a ngaih taktak Mooler zong a sawm chih ve.

Nandar Hlaing nih cun “Mandalay Missha Showroom awnnak puai ah keimah, Benjamin Sum le Moo Ler he kan i tel lai. Hihi Missha dawtu mipi hna nih an duh bangin kan tuahmi a si. Caan anai deuh tikah a dang aherhmi cu kan vun chim tthan te lai” tiah a chim.

A ralami thla Nohawng 22 Mandalay khuapi ah Benjamin Sum, Mooler le Nandar Hlaing cu Missha Showroom awnnak puai ah an i tel lai. Mipi zong an i ngaih ngaingai cang. Ahlei khun in Nandar Hlaing hrimhrim hi a ngaih khun. Aruang cu Benjamin Sum uar ngaingai tu pakhat a si ve.