Kawlram mintami minthang pakhat asimi Khin Zar Chi Kyaw nih Mynmar Idol Season 4 Grand Final tiang a phanmi Benjamin Sum a ttanhnak cu Myanmar Celebrity Tv sinah a chim. A chimmi cu ” Zeibantuk paoh in an ka soisel zongah Benjamin Sum cu ka ttanh tthiamtthiam ko lai. Mipi dirhmun i a ummi kan si ve caah mipi nih cun kan duhmi cu kan ttanh khawh. Hlasakthiam kan timi cu thazaang kan pek khawh. Kan zalennak a si ve caah ahohmanh kan mawchiat hna lo. Nan ka soisel a si zongah kan ttanh tthiamtthiam ko lai” tiah Benjamin Sum a ttanhnak cu a chim.

” Myanmar Idol ah a zuammi nu pawl zong kan ttanh tthiamtthiam hna i thazaang kan pek tthiamtthiam ve ko hna. Esther le Aye Mya Phyu zong an thiam tuk ko. Asinain Benjamin Sum cu a aw phundang te a ngeih i a cawlcangh ning zong a thiam tuk caah ka ttanhnak le thazaang ka peknak a si. An pathum in hlasak an thiam dih ruangah Mynmar Idol a cotu ding cu a vanttha bik nih a co lai” tiah a chim chap.

Myanmar Idol vote kong an hal i a chim tthan rihmi cu ” Myanmar Idol an thawk ka tein an kalpi ning a si ruangah soisel ding zong a um lo. Tukum lawng ah vote a tuahmi an si lo ruangah chim ding ka thei lo. Minung cu kan duhmi aikhat cio lo i, kan duhmi i khat sehlaw kan i raldih hna hnga. Atu zongah Online chungah kan-an i al cio hna. Cu ruangah kei zong nih ka ttanhmi ka chim phuan ve nak a si” tiah a donghnak bik ah a chim.