Thailand Club Muangkan United nih Myanmar ram ai-dawh in a chuihmi Chinpa Suan Lam Mang kum 25 pa cu an sinah chuih dingin an lak i kum 2 chung chuih dingin contrack a tuah cang tiah theih a si. Lawmh a um taktak lawmhpi cio hna usih! Chin Miphun mintthattertu a si.

Kalaymyo, Tahan Zofa Cup in mipi theih le hngalh hram an thokmi chinpa Suan Lam Mang cu 2009 kum Tahan Zofa Cup ah a chuih i a thiam tuk ruangah Zwegapin United nih an sinah chuih dingin an rak cawk. Zwegapin United ca zongah a thiam in a tthat ngaingai caah Chin United Club nih an sinah chuih dingin 2011 kum ah an rak lak ve. 2015 kum in 2019 tiang Myanmar ram ai-awh in a chuih.

2017 kum ah Myanmar National League Champion Yangon United nih an rak cawk i kum 2018 kum ah Shan United nih man fak ngaiin an cawk. Atu ah cun Thailand Club Muangkan nih December 17 ah kum 2 chung an sinah chuih dingin contract sign nak an ngei i thlakhat ah Thailand Bath tingkhat a hmuh lai. Cucu kawlram phaisa in cun ting 50 renglo a si. Thailand Club Muangkan United cu Thailand League-3 ah a chuih cuahmahmi an si i League 1 phak khawh dingah atu hi fakpiin ttan an la cuahmah ve. Zalen