Vawlei Cung University ṭhabik a simi ve ah Medical Surgery a dihmi Mai Mary Miriam Than lawmhpi cio hna usih.Kan Chinmi nih kan ibochan ngaimi Dr. Than Bil Luai i fanu pahnihnak Mai Mary Miriam Than cu England ram ah siithiamnak cawnnak (Medical Surgery) degree hlawhtling tein a kan dih piak. Lunghmui hringhran ko kan Chinmi chungin hi bantuk dirhmun tiang kan phak khawhmi hi lawmh a um taktak.

MSc surgery (Master degree) in Oxford University i a dih hnuah FRCS (Fellow of Royal Colleges of Surgeons Part II) camibuai cu Cambridge University in a awng. FRCS hi MBBS hnu in kum 8 cawnmi a si. MRCS 2 a cawng i cu hnuah kum 6 a cawng ṭhan.

UK ram Norwich sizung ah a rak ṭuan chung i atu ah Chinmi Specialist Dr. Mary Than Grand Hanta Sizung ah siibawi rian a ṭuan. Amah hi pumpi, ril le mit ah lung um ti bantuk khuai (operation) lei hi a specialist (a thiam ngaingaimi) a si.

Kan chinmi lakah hibantuk mithiam, vawlei cung University țhabik hna lak ah telve mi ah degree a kan lakpiak khawhmi hi lawmh a um tuk hringhran . Hringtu a pa bantukin mi zangfaah le zawnruahnak ngeimi a si. Sizung i a ṭhut lo hmanh ah midang ruahnak a pe khotu a si. Credit: Dr. Timothy Sui Lian Mang