Nizaan mitlau thawng kan thanhmi cu hmuh asi tthan cang ee. Matupi Khua ah Zarhpini zaanlei ah a pumhnak in inn ah a lawi ti loin, a tlau mi tangkhat a kai liomi Noami (kum7) cu nihin suimilam 12:00 ah hmuh a si cang tiah theih a si.

Noami kawlnak ah aa tel vemi Ko Than Ke nih chim ning ahcun, “Nizaan ah ramlakah an hmuh ruangah nihin ah ramlakah cun an va kawl. Asinain ramlakah hmuh loin inn pakhat komtang (inn tang) ah an hmuh i, thinphang bu le tih ngai buin a rak i thup. Thilri kawlnak sawhsawh ah an inntang inn pakhat ah an hmuh hi a si. Zaanhnih chung a tlaunak kongah zeihmanh biafiang theih hngalh khawh in hal khawh a si rih lo caah Sibawite sinah an kal pi i, checknak an tuah hmasa lai tiah” a chim.

Kum 7 ngakchia a simi Noami kawlnak ah aa telmi hna cu Matupi Khua Palik Chin Mino Phu, Meithat Zung riantuan pawl, Matupi Sangli komh le Khuabawi, Matupi Khua ummi mipi hna he i bawm in an kawl hi a si. Atu cu hringtu a nulepa sinah a um cang i sibawite nih checknak an ngeih hmasa hnuah biafiang theih a si te lai.

Note: Hi thawngpang hi Zalen nih aa ttialmi Hakha/Laica in leh chawmmi a si caah kan palhnak tete a um kho men caah a ruahzia nan kan thiamnak lai kan in nawlpat duh hna.