Vaurawng bawmhnak! Vaurawng zunthil riantuannak in, Mizoram ah a ummi Thantlang innkang harsa le ralzaam harsa bawmhnak caah Rs.450,000/- an kan bawmh. Harsa cio kan si ko hna nain zapi phawtzamh awk a that deuh lo caah Sangau, lungzarhtum, Siachangkawn, Lungtian

Vombuk, Archhuang, Paangkhua, Lungpher, Bualpui(NG), Siaha, Niawhtlang, Lunglei, Lawngtlai, Hnahthial, Khuahri, Tarpho, Bualpui (D), Hngarchhip, Cherhlun, Vaphai, Zawlsei, Farkawn, Thekte, Khankawn, Khuabung, Thingsai khua ah a um mi hruaitu hna nih a herh khun ko tiah an ruahmi hna chungkhar 169 sin ah tlamtling tein phawtzamh le pek an si. Riantuan tu dihlak le pethentu nan dihlak cungah kan i lawm tuk. Credit: Neely Laiuk

Thawngpang dang: Chinland Defense Force–Hakha Council Nih Ralrin Peknak Cathanh An Chuah! Chinland Defense Force – Hakha Council nih a uk penmi Hakha peng ram cu SAC nih uknak laak hlan 2021 January thla tiang anmah le khua, ramri cio le an i uk ning in nihin tiang a hmun.

Sihmanhsehlaw, cheukhat nih mah pumpak le mah bu ṭhatnak ah khua le ram daihnak a hrawk kho ding in siseh, dohthlennak a nuarhter ding ah ramri chuhnak, lothlawh, thing hau, meihol rawh ti bantuk thil nan tuah. Hramhram uknak bantuk in thil nan tuah rih ahcun CDF-Hakha Council nih upadi he nan konglam a’n ceihpiak hna lai, tiah ralrin peknak cathanh an chuah.