CHIN MILLIONNAIRE TI AN PHU. (A dih tiang rel hrimhrim) China ram Wuhan khua in ai sem i vawleicung pumpi a kan buaiter viartu Coronavirus (COVID-19) zawtnak kham/do nak caah US mirum (billionaires) pawl nih an ngeihmi phaisa tampi an hlut tiah media nih an ṭialmi kan hmuh bantuk in Chin miphun dawtu JAME NULEPA zong nih CNF/A rianṭuannak caah an ngeihchiah phaisa an hlut cio ti theih a si. COVID-19 donak le CNF/A ca i phai a hlumi hna cu mizei dah an si zoh tuah hna usih.

1. Amozon CEO Jeff Bezos: Jeff Bezos hi vawleicung mirum cem a si i a ngeihmi phaisa $140 billion (Ref: Chinadaily.com.cn) chung in Coronavirus donak caah $100 million a hlut. # $1 Billion cu $1000 million a si i $140 billion cu $140,000 million ti nak si. Lai tuak i tuak ahcun ting $140 a ngei i COVID-19 donak caah $100 a hlut ti nak si. A ngeihmi zat tuak ahcun 0.04% te hi a hlut tinak si i a tlawm ngai tipiak fawite ding phun in a um.

2. Bill Gate le Melina: Microsoft CEO hlun, Gate’s Foundation ngeitu Bill Gate hi vawleicung mirum cem changtu a si ve i $113.1 billion a ngeihmi chung in Coronavirus donak caah 100 million a hlut ve. An phaisa ngeihmi zat tuak in cun Jeff Bezos naak in cun tamdeuh a hlut ti khawh si.

3. Twitter CEO Jack Dorsey: Jack Dorsey hi billionaire cu a si ve nain a ngeihmi phaisa hi $3.89 billion lawng a si. Bezos le Gate nih an ngeihmi he cun ai thlau dom. Nain, Coronavirus donak ca i a hlutmi hi $1 billion bak a si i a ngeihmi dihlak chung in 28% renglo a hlut tinak si. Hlut lei ah cun Amazon CEO le Gate’s Foundation cu a tei tuk ve hna.

4. CHIN CEO JAME NULEPA: Jame nulepa hi New York pawng Syracuse i a ummi an si. Jame pa hi Matupi peng a si. Jame nu hi Senthang peng Bungtuah khua a si. Syracuse ah zei rian dah an ṭuan ti kan hlat kho deuh rih lo nain Pathian thluachuah a dongmi chungkhar cu an si hrim lai ti kan zumh ko. Aho nih chimh chom le hal chom hau lo tein anmah lungtho te bak in, ram le miphun ca i rian a ṭuanmi hna CNF/A pawl caah bawmhnak pek ve kan duh ko e tiah The Chin Voice ngeitu an chimh i $1000 bak an van kuat colh ko.

Jeff Bezos le Bill Gate nih Coronavirus donak ca i $100 million veve an hlutmi naak in Jack Dorsey le Jame nulepa nih Coronavirus donak ca le CNF/A rianṭuannak ding ca i an hlutmi hi a let in a tam deuh caah Jame nulepa hi CHIN MILLIONNAIRE ah chiah ve an phu. Pathian nih Chin Millionnaire ah kan serpiak hna seh law kan va duh dah. Hi cabia/post hi JAME NULEPA nih Miphun le Ram an dawt ning upat peknak can ah ṭial hnawhchanmi a si. Ref: The Chin Voice