Lam kan zawh mi Cozah nih aphi an kan pek lo ahcun kan dai lai lo: Pu Benjamin

Chin News

Lam kan zawh mi Cozah nih aphi an kan pek lo ahcun kan dai lai lo: Pu Benjamin

Image result for Hakha hmun ngei pawl lam zawhnak

Hakha ah Pupa ramngei hna nih July 31 ah lam an zawh mi he pehtlai in,”Cozah nih aphi an kan pek lo ahcun daih kan i tom lo,”tiah Lamzawh hruaitu Pu Benjamin nih a chim.

Daih kan i tim lo ti tik ah kan hal mi phun 16 hi rianrang in aphi pekcolh khawh mi an si lo. Asinain, rianrang in an tuah khawh ding mi cu, Cozah nih upadi ning tein riantuan cang hna seh. Hmun an chuh mi hna zong a ngeitu sin ah pe than zau hna seh. Cun, a bik in inn kan theh lai, ti mi hi ngol hna seh. An theh taktak ko a si ahcun kan dai lai lo. Lam dang kan kawl ve rih ko lai,”tiah Pu Benjamin nih The Hakha Post ah a chim.

July 31 ah kan duhlonak cu kan langhter cang bantuk in August 3 tiang ah zei thawng hmanh an kan let rih lo. Kanmah zong an riantuan ning zoh in kan cawlcang ve ko lai, tiah a cunglei hruaitu nih a chimchap. Credit: The Hakha Post

Kan Fale Hi Kum Zeizat An Si In Dah Pathian Kong Kan Cawnpiak Hna Lai? Billy Graham Bialehnak Hi Rel Ve Hmanh, Fale Cawnpiak Nak Ah Bawmchantu Si Hrim Lai

Biahaltu: Kum 4 ka fapa nih Pathian kong a ka hal lengmang. Zeitin dah ka chimh lai ka thei lo. Pathian kong theih ding in a hngakchia tuk rih tiah ka chim bal lo, asinain a lungtling lo i, a kan hal chih lengmang. Zeitin dah ka chimh lai? Rev. Billy Graham: Na fapa nih Pathian kong theih a duhnak cungah naa lawmh lehlam ding a si. Bia an halmi hi zeirel loin umpiak hrim hlah zeicatiah kan fale caah a biapi tukmi kan tuah khawhmi cu Pathian an zumhnak thawnter chin lengmang hi a si.

Na fapa sinah Pathian kong na chimhmi vialte hi a thei kho dih lai lo. Asinain tlawmpal cu a theih ko lai. Pathian a hmuh khawh lo hmanh ah Pathian a um timi cu a theih khawh ko lai. A kan sertu a si timi cu a theih khawh ko lai; zeizong vialte sertu a si ti zong a theih khawh ko lai. Pathian nih a ka dawt i, a ka um pi zungzal ko timi zong a theih khawh ko lai.

Kan thih tikah Pathian sinah kan kal lai i, zungzal in kan um ti lai timi zong a theih khawh ko lai. A luan cia kum 2,000 ah vancung in Pathian a rungtum i minung ah a cang timi zong a theih khawh ko lai; Cu minung cu Jesuh Khrih a si ti zong a theih khawh ko lai; a kan dawt tuk ti zong a theih khawh ko lai; kanmah khamh awk le bawmh awk ah a rami a si ti zong a theih khawh ko lai.

Bible nih ‘hngakchia kha ka sinah ra ko hna seh; kham hna hlah u, zeicatiah Pathian pennak cu mah hna bantuk ta pei a si’ tiah a kan chimh (Mark 10:14). Hngakchia Bible tuanbia cauk cawkpiak law ni fatin in hmunkhat ah rel pi lengmang. Thla zong campi lengmang. Jesuh Khrih a zumhnak ah a thang chin lengmang ko lai.

Jesuh nih ‘Thlaici vialte lakah a hme bik a si, sihmanhsehlaw a ṭhan tikah anhringso kung vialte lakah a ngan bik a si. Thingkung ah a hung cang i a nge ah khan va zong nih bu an ser,” a ti. Cucaah na fapa nunnak ah Pathian kong chimh hi daithlang hrimhrim hlah. Pathian kong le a Bia nih a nunnak ah hmunhma a lak kha a biapi tukmi a si. Ref: Billy Graham.

Leave a Reply