2017 Galaxy Star hlasakthiam zuamnak ah Top 5 tiang a phanmi Lainu Laldinthari nih a hawinu Myanmar Idol Winner a simi Esther Dawt Chin Sung cu aw ttha, muidawh le thinlung ttha a si tiah fiang koin a vun chim ve cang. Tha tein rak ngai ve Laldinthari nih fiang tukin a chim ko hih. Esther Dawt Chin Sung he aikom ngaimi an si i ramdang lei hlasak an sawm hna zongah a zul dawimi le a kom ngaimi an si i atu ahawinu sining a vun chim ve cang.

 

Laldinthari nih a chimmi cu ” Esther he kan i theihnak hi a saupi cang i ramdang zong kan kal tti. Pakhatnak laksawng a ngah hnuah tampi a puitling i a tthangcho. Ka hmunning bantuk a si ti lo a puitling chin lengmang. Cun pakhatnak laksawng a ngah ruangah a kan philh cawlh lo. Pakhat laksawng a ngah hnu zongah pehtlaihnak a kan tuah.

“Kan karlak chinchiah tlak cu ramdang kan kal tti kan um tti i a konglam a dihlak in ka theih dih ve bangin ka konglam ka sining a theih dih ve. Myanmar Idol ah zuam a duhnak a hramthawk tein a ka chim cang nain ka rak zum lo. Zeiruangah dah ti ahcun laksawng a ngah cang a si. Voikhat cu khual ka tlawng lai ca a ka kuat i na tlun tikah biachim kan ngei tiah a ka ti. Cun Myanmar mipi nih an uarmi le an duh phun hla hibantuk a ka hal nain ka theithiam hlei lo. TV i ka hmuh hnu lawngah Phone ka chawnh i zuamnak ah a tel ka theih.

“Athatnak cu a aw phundang a si i a aw a dawh bantukin amah zong a dawh. Cun a thinlung put ruahnak a ttha tuk. Caan ttha a um ahcun hlasak tti chuahtti zong ka duh. Atu dirhmun ah cun pakhat a co kate a si ruangah caan a ngei (buai) tuk i kan i chawn tuk lo,” Laldinpari nih Esther Dawt Chin Sung kong cu chim phuannak a ngeih.

Note: Kawl holh in a chimmi Laica-Lai Holh in kan leh chawmmi a si tikah kan palhnak le a si lo ningin kan leh sualmi um cun nan ka theihthiamnak lai kan in nawlpat duh hna. Video kan chiah chih ko caah Kawl Holh theihmi le thiammi nih cun tlamtling deuhin zoh khawh le ngaih khawh a si.

Video ahhin tling tein ngaih khawh a si.