Laipa Za Peng Lian Nih Baibal A Zum Dih Lo

Hmuhning

Laipa Za Peng Lian Nih Baibal A Zum Dih Lo

Mi pakhat nih a rak chim bal mi ka theihmi cu zeidah asi ti ah cun Laimi cu Bible ngeih hmanh kan herh rua lo. Kanmah le kan zumhnak in kan nung i kanmah le kan ngeihmi Degree in Vanram kai kan i timh tiah arak timi ka theih bal. Atu ah ka ruah tthan tikah a hman ngaingai. Bible sining tein kal loin kanmah le kan pumning a tamtuk mi hi a poi ngaingai.

Tutan ah kan vun langhtermi hi aho si ti cu theih asi lo nain, Bible kong a tialmi hi ruah ngaingai ahau. Laimi zumtu hibantuk hna kan um khawh rihmi hi a poi ngaingai. Amin men in Khrihfa kan si taktak ko cang rua tuhi Bible hmanh kan zum kho dih ti lo. Bible hmanh kan zumh dih lo cun kan dih cang ko.

Za Peng Lian timi nih a ttialmi: Pastor Pa nih ” Baibal Zumlotu” ah a ka ruah i a ka nek ngaite. Baibal ah a ummi paoh ka zum lo i ka zul khe lo. Baibal chungah a ummi paoh zum in zul ning law mithat lainawng ka si hnga. Khrihfa cu ” Baibai sal” kan lo Khrihfa nun cawngtu kan si.

Khrihfa nun cu Baibal ah a ummi a si lo maw? Ziah kan i fiang lo chin lengmang ee. Hihi nangteh zeitindah na ruah ve ning asi. Baibal hi na zum in na zul dih ve lai maw? A chimmi a kamkhat lein ruah ah cun a hman ngaimi a ko. Na ruahnak rak chim ve tuah.

Credit: Za Peng Lian

Hi cabia hin thazaang rak la ve tthan dingin kan sawm hna.

Kan Fale Hi Lunglawmhnak Biachim Cawnpiak Lengmang An Hau: Rev. Billy Graham: Kan fale cheukhat cu lunglawmhnak biachim an thei lo. Lunglawmhnak biachim hi an theih awk hrimhrim a si. ‘Kaa lawm’ ti a thei lomi nih cun an cawn hrimhrim awk zong a si. Lunglawmh biachim a thei lomi cu a hnuah mah zawn lawng aa ruatmi an si lai; a nunchung hrimhrim zong an thei thai lai lo.

Kan fale nih laksawng an hmuh tikah lunglawmhnak biachim an theih ding a si; midang nih thil a thanh hna tikah kaa lawm ti an theih ding a si. Caan pek zong in kan fale hi lunglawmh biachim kan cawnpiak hna ding a si. Midang nih kan caah thil tha an tuah tikah kan lunglawmhnak langhter hi a biapi tuk.

Lunglawmhnak biachim hi phung zong a si lo; thatnak zong a si lo. Midang nih a kan dawtnak cungah lunglawmhnak langhternak lam pakhat a si; minung a kan cawisangtu lam pakhat a si. Bible nih cun ‘mah zawn ruahnak in zeihmanh tuah hlah u …toidornak tu in midang kha nanmah naak in cawisang deuh hna u’ a kan ti (Fil 2:3). 

Chimh kan duhmi hna cu kan fale nih hin kan chimhmi chung zong in an cawn i, kan tuahsernak cung zong in an cawn. Na nunnak hi lunglawmhnak le thangthatnak in na langhter lengmang kho maw? Ni fatin in na nunnak ah hin lunglawmhnak taktak he na nung kho maw? Bible nih cun ‘zei thil kip ah Pathian lawm u’ a kan ti (1 Thesa 5:18). 

Cucaah nan fale hi lunglawmhnak biachim cawnpiak lengmang hna u. Thil fate a siah thil ngan a siah midang sinin an hmuhmi kip ah hin lunglawmhnak biachim thiam hna seh law an nunnak hi Khrihfa nun ziaza dawh in a thangmi si hna seh. Pathian nih a Fapa Jesuh Khrih a kan pekmi cung hrimhrim ah lunglawmhnak chim lengmang hna seh. Khrih hi nan chungkhar nunnak laicer ah chia zungzal u tiah forhfial kan duh hna. Ref: Billy Graham.

Leave a Reply