Trump ka duh lonak a ruang: 1.Climate kong zeihmanh a rel lo. Capo bantuk in a chim salam men ko. 2. Nau thahnak kongah a pom mi kaa hrawm kho ve lo. 3. Ramri vanpang saknak kong ah a timhmi ka duh lo. Vanpang ser sawhsawh nakin hi ramri kong hi a remh kho lai lo. Vanpang ser nakin a tha deuhmi ruahnak a ngei lo.

4. Ralzam pawl zeihmanh ah a rel hna lo. Api le apu ralzam in US an phak hi a philh rua. Kan Laimi cheu khat zong hnu lei philh in mah ca lawng aa ruatmi kan tam tuk. 5. Athil tuahmi zoh tikah cikhat ca lawng a chim i a zoh peng, kum saupi ca in a tuah lo. 6. Vawlei cung ramdang he pehtlaihnak zeihmanh tha ten a ngei kho lo. 7. Biaknak hi Khrihfami sinin vote laknak menmen ah a hman. A umtuning le a holhrel zoh ah Pathian ai tlaihchan lo mi a lang.

Trump hi kan zoh tikah upat awk in ka hmu lo. Mi neek in a biachim ning te hna, a zuamcawhtu hna upat a hei pek lo hna ning zoh ah ngakchia ko a lo. A umtuning le a tuahsernak zoh ah Pathian ai tlaihchan le ai tlaihchan lo cu a lang. Laimi nih kan hei tanh ngai chap cu. Ram aiawhtu President ah aa tlak lo amah pumpak hrang riantuan mi Business man lawngah aa tlak. President a peh chap ahcun kan nih Laimi siifak pawl hrang ahcun hngawng a kan diptu si lai. Van Lian Ceu