Hi thawng von theih cu lung a hmui hleiah upat awk tlak taktak a si. Minung pakhat nih Hakha le Thantlang karlakah phaisa ting 4 renglo a char i tangka cu amah nih i laak loin a ngeitu sinah pek dingin thawngthanhnak a tuah i pehtlaihnak a phone number tiang a chiah chih.

Tangka a charmi cu a ngeitu sinah a phan khawhnak hnga tiin cipciar tein a langh duh colh loh. Cucaah ting 4 renglo a tinak a si. December 2 ah Hakha le Thangtlang karlak KM 16 a hlatnak hrawngah char le hmuh a si. Tangka a thlautu nih Pu No Than Tlir phone num 09799281309 ah pehtlaih khawh le hlam khawh a si lai. Tangka cu zeizat dah a si i zeitindah a tuam ti bantuk pawl felfai tein a chimh khawh lai. Cu hnuah a ngeitu taktak a si ahcun peek a si lai.

Na chungkhat hna an si sual maw? Hakha le Thantlang khual tlawngmi na u hna an si sual maw? thawngpang rak hal ve cio uh! Cun, a ngeitu sinah a rauh hlanah a phawk khawhnak hnga SHARE in bawm cio hna usih. Atu bantukin miding fel Chinmi nih kan i ngeihmi hi a sunglawi tuk hringhran. Upat awk tlak taktak le zohchun awk tlak taktak a si. Chirhchan: Vapualauaw (CH)

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ṭialmi hi areltu mipi caah ṭhathnem santlaih, theihtleih ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um  cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Na relmi thawngpang hna hi midang nih an rel khawh ve nak hnga aṭha tiah na ruahmi a um ahcun share in rak kan bawm ve. Kan ca a kan rel piaktu nan dihlak cungah kan ilawm. Upatnak he Admin