Tuchun ka thil ton mi cu lung hno ngai asi. Nu le Pa nih hlawt mi fale nan um bal hna maw? Chungkhar le hawikom nih hlawt mi tah nan um hna maw? Zei bantuk buainak dah na ton bal ?

Hi hngakchia pa te hi kum 11 lawng asirih, anu le pa an i then, anu sin ah aum lio mi asi, Bus Stop pawng ah Bawmh aka hal, mifir le mithalo asi men lai tiah ka zumh pah ve lo caah ka motor chung ah ka luh ter hmasa i, ka motor tawh kahrenh hnu ah na nu cu siarem ten chawn tiah ka phone ka pek. anu cu phone achawn i , anu he bia an bia ruahmi ka theih cu ka mithli bak aluang.

Anu biachim cu minung silo in saram lungthin angei rua dah ka ti. Thisen hrin mi afapa cu zei ah arel lo , na duhnak ah vak ko , ka manh lo , inn ah ka tin rih lai lo tiah anu nih aleh i phone athah colh. Afapa nihcun anu cu ngol lo in a call chih lengmang. Anu nih atimi cu , Tuzan zong inn ah ka tin lai lo tiah ati chap. afapa nih atah bu in ka nu nangmah lo in saupi keimah lawng ka um nak zerh 2 asi cang kan ngai tuk , ka ning zong tih tuk cang ee tiah atah bu in achawnh, Anu cu tlangval dang sin ah ariak .

ka nu ka paw tam tuk ee ati rih. Anu nih hmun dang ah ei awk va kawl ati than. Cucaah bia sau nawn ka hal hnu ah , An inn ahcun Motor in ka kal pi i , an inn cu tawh hrenh dih mi asi caah inn chung ah alut kho lo, inn chung aluh khawihlo tik ah kal nak athei ti lo.

Ka nu nih phone aka chuh i, inn tawh zong aka pe duh lo , mah ti hin um nak ngeilo in zerh 2 te hna aka tlau tak ee aka ti. Siang inn akai lio mi te si i , School uniform he asi. kan inn ah ka um ngam lo caah ka hawi le sinah ka riah atam deuh ee ati. Achim mi cu ka pa um sehlaw tawh aka pek ko hnga aka ti. Hawile hna ,Kum 11 na fa khi , zeirel lo in na kal tak siang hnga maw?

Khua ka ruat i , phaisa kaa chuah i , mac donald ah rawl ka cawkpiak hnu ah akal dingnak inn ah ka thlah than. Mithli tla in ahawi le sin ah ka riak lai ee ati. ( Child protection le police ) sin ah bawmh kan hal piak lai ka ti aduh lo. Ka nu hi alung fim te ko lai ee tiah aka leh. Mirang ram ah hin nunzia thalo angei mi nu le pa ruang ah fale arawk mi tamtuk an um cang.Hmanthlak hi privacy caah amui ka langh ter lo nak asi.Credit: Ral Eng Khenglawt