Ngaihchiatnak Thawng.Tlangte khuami Pu Tial Cung fapa Pa Hrang Than Lian kum 38 cu Tuni ah Thantlang khua ah mual a kan liam tak. ( Suicide)22.2.2020 Cacawn niruk ni zan 9:00PM ah Thantlangin Tlangte khua ah tlungpi a si lai i thaizing zarhpi chun a ruak ni a si lai.Ngaihchiami chungkhar nan ngaihchiatnak kan in hrawmhpi hna Pathian nih in hnem ko hna seh. RIP. Pa Than. Scofield Van Lian Hum.

Tlangte khuami Pu Hrang Than Lian kum(38) cu nihin chun suimilam 2pm hrawng ah khan Thantlang le Sopum khua karlak ah a ruak in an va lak tiah theih a si. Pu Hrang Than Lian a ruak cu Thantlang Sizung pi ah an check ter hnu ah tuzaan suimilam 9pm hrawng ah an khua Tlangte ah an tlun pi lai tiah kan theih.

Hi kong he pehtlai in khuami pakhat nih “ Pu Hrang Than Lian a thi ti mi thawngpang kan theih cu kan lau tuk cio. A ruang cu khuachung zong ah si loin Thantlang le Sopum karlak Lam pawng (Ram lak) ah a thi ti a si. Thawngpang kan theih cang ka in khuami, chungkhar ti bantuk in va kal hnawh colh a si. A ruak cu Thantlang Sizung ah kal pi hmasa a si i Sibawi te nih an zohfel dih hnu ah Tlangte khua ah tlunpi ding in timhtuah a si” tiah a chim.

Pu Hrang Than Lian a thih ning kong hi fiang tein an kan chim lo, a si nain Thantlang khuami pakhat nih cun a mah tein a nunnak aa lak bia a si ko. Thantlang le Sopum karlak Lam pawng ah hri aa awk hi a si tiah a chim ve. Tantak mi chungkhar cinla rualchan dihlak Pathian nih hnem hram hna seh. Ngaihchiatnak hrawm pi buin.

Note: Laikokekjournal le Scofield Van Lian Hum hna cherhchan in lakmi a si.